Ioane 14:9 - Te B'aib'ara

⁹ E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 14:9 Iomraidhean Croise

Karikani B'aai 26:9

Ao e kananako wetean Itaaka Abimereka, ao e taku, “Ngaia bon buum, ao e aera ngke ko taku b'a m'anem?” Ao e taku, “I taku ngai b'a N na tiringaki ngkana I kaotia ae buu.”

Taian Areru 11:1

I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Ieremia 2:23

Kam kakewei ami bure ao kam taku, “Ti itiaki. ti aki taromauria B'aara.” Ma kam na iangoa te b'ai ae kam karaoia n te M'arua are Innom. Ao kam biriaitua kaanga kaamero aika ataei, ni kawaekoaingkami n taromauria te bouananti teuana i mwiin teuana.

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Ruka 12:56

Ngkami aika taani m'am'ana te aba, iai am konaa n atai nanoni kanikina i aon te aba ma karawa, ma e aera ngkai kam aki kona n ata nanon te tai aei?

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 10:30

Ti temanna Ngai ma te Tama.”

Ioane 12:45

Ao ane norai, ao e nora Teuare kanakomaiai.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 14:7

Ngke arona b'a kam a kaman ataia b'a antai Ngai ni koaua, ao kam na kaman ataia naba b'a antai Tamau; ao kam a ataia ma ngkai, ao kam a tia n noria.”

Ioane 8:19

A taku ngkanne nakoina, “E nga Tamam?” E kaekaia Iesu ao E taku, “Kam aki ataai ao kam aki ata naba Tamau.”

1.I-Korinto 15:12

Ngkana e taekinaki Kristo b'a E a tia ni manga uti mai buakoia maate, ao e aera ngkai a taku tabem'aang i buakomi b'a akea manga utiia maate?

I-Biribi 2:6

B'a arona aron te Atua, Ma akea i nanona te kan riki ni boraoi ma te Atua.

I-Korote 1:15

Kristo boni katotongan te Atua ae aki nonoraki, ao bon te moa n Nati ae kakannato i aoni b'aai ni kabane aika karikaki.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.