Ioane 14:3 - Te B'aib'ara

³ Ao ngkana I nako ni katauraoi nne i bukimi, ao N na manga oki ni kairingkami nako iu; b'a ike I mena iai, ao kam na mena naba iai.

Ioane 14:3 Iomraidhean Croise

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 14:28

Kam ongo ngke I kaangai nakoimi, N na nako, ao N na manga okiringkami. Ngke kam tangirai, ao kam na boni kim'areirei, i bukina ngkai N na nako n Tamau; b'a E kakannato riki Tamau nako iu.

Ioane 14:4

Ao kam ata te kawai nakon te tabo are N na nako iai.”

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

2.I-Tetaronike 1:12

b'a e aonga n neboaki aran ara Uea are Iesu Kristo i roumi, ao ngkami kam na neboaki i Rouna n ai aron ana akoi Atuara ma te Uea are Iesu Kristo.

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.