Ioane 14:21 - Te B'aib'ara

²¹ “Ane iai i rouna au tua nako, ao e tou mwiia, ao e kaotia iai b'a e tangirai; ao ane tangirai ao e na tangiraki iroun Tamau, ao e na tangiraki naba irou, ao N na kaotai nakoina.”

Ioane 14:21 Iomraidhean Croise

2.Uea 18:6

E rangi n ongotaeka iroun te UEA man irii nanon tua ake E anga ngkoa te UEA nakon Moote i bukiia aomata.

Taian Areru 35:27

A na takaakaa ni kakatonga akana tangira kaetan taekau, Ao a na kaokioka atongan ae kaangai, “Ai kakannato ra te UEA! E kukurei nanona n ana tokanikai ana toro”

Te Otinako 33:18

Ao e manga taku Moote, “I tataro b'a Ko na kariaia b'a N na nooriko ma mimitongim ni kabane.”

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Ieremia 31:31

E taku te UEA: E na roko te tai are N na karaoa iai te boraraoi ma Iteraera ao Iuta.

Teb'ania 3:17

E bon mena iroum te UEA ae Atuam Ko na tokanikai ni m'aakana. E kukurei te UEA iroum ao E na anganiko te maiu ae e boou n ana tangira. E na anene ni kim'areirei i aom.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ioane 14:15

“Ngkana kam tangirai, ao kam na tou mwin au tua.

Ioane 14:18

“N na bon aki kitaningkami ni kaaki taekami. I a manga okiringkami.

Ioane 15:14

Raou ngkami, ngkana kam karaoi baika I tuangngkami.

Ioane 16:14

Ane E na neboai, b'a E na anai au taeka ao E na taekin nakoimi.

Ioane 16:27

b'a E bon tangiringkami te Tama i bukina ngke kam tangirai ao kam kakoauaa ae I nako mai mairoun te Atua.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

M'akuri 22:18

I nora Teuarei ngke E taku nako iu, “Bareiko, ao kawaetatako ni kitana Ierutarem, b'a a rawa aomata ikai ni butim'aea am kaotioti i buku.”

2.I-Korinto 12:8

Tenua au tai ni butiia te UEA i bukin te baei b'a e na nako mai rou.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

Te Tua-Kaua 11:13

E mwiokoingkami te UEA ae Atuami b'a kam na tangiria ma ni m'akuri i bukina ma nanomi ao tamneimi ni kabane. Ngkana kam ongotaeka nakoina,

Te Tua-Kaua 7:13

E na tangiringkami te UEA ma ni kakab'aiaingkami n anganingkami natimi, kanami, ami wain, ao b'aan te oriwa aika m'aiti. A na kariki buniia aika bati ami kao, ao ami nanai n tiibu ana karikiia tiibu teteei aikai bati naba.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

1.Ioane 2:5

ma ane taua ana taeka, ao nanona b'a iai kororaoin tangiran te Atua i nanona. Ao n te aro aei, ti a ataia raoi iai b'a ti nim ma Ngaia.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

1.Ioane 5:3

B'a bon tangiran te Atua te baei, ae tauan ana tua i roura; ao a aki kanganga aroia n tauaki.

2.Ioane 1:6

Aio te tangira, b'a ti na tou mwin ana tua nako te Atua. Aio te tua, b'a kam na b'ab'aina te tangira ni maiumi, n ai aron are kam ongo ngke kam moa n riki b'a Kristian.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.