Ioane 14:2 - Te B'aib'ara

² E m'awawa nanon ana auti Tamau i bukin te maeka; ma ngke arona b'a akea, ao e koaua b'a N na tuangngkami ae N na nako ni katauraoi nnemi i m'aimi?

Ioane 14:2 Iomraidhean Croise

Ruka 14:22

Ao e taku te toro, “Te mataniwi, e a tia ni karaoaki are ko tuatua, ao e boni m'awawa naba te tabo.”

Ioane 13:33

Ataei, N na aki maan ni memena i rarikimi. Ane kam na ukoukorai; ao n aron are I a tia n taekinna ngkoa nakoia I-Iutaia, ao I a manga taekinna ngkai nakoimi, ‘Kam aki kona n roko n te tabo are N na nako iai.’

Ioane 13:36

E taku Timon Betero nakon Iesu, “Te Uea, Ko na nakea?” E kaeka Iesu ao E taku, “Ko aki kona n irai ngkai nakon te tabo are N na nako iai; ma ko na irai rimwi.”

Ioane 14:28

Kam ongo ngke I kaangai nakoimi, N na nako, ao N na manga okiringkami. Ngke kam tangirai, ao kam na boni kim'areirei, i bukina ngkai N na nako n Tamau; b'a E kakannato riki Tamau nako iu.

Ioane 16:4

Ma I atongi baikai nakoimi b'a ngkana e roko te aoa are a karaoi iai baikai nakoimi aomata, ao kam na uringnga b'a I a kaman taekin nakoimi.

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

2.I-Korinto 5:1

B'a ti ataia b'a ngkana e uruaki te um'a n rianna ae i aon te aba ae nera ni maeka, ao bon iai te auti mairoun te Atua, ae te nne ni maeka ae aki karaoaki ni baiia aomata, ae te auti ae aki kona n uruaki, are i karawa.

1.I-Tetaronike 5:9

B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 11:10

B'a Aberaam e kaantaninga te kawa are iai aana ae teimatoa, ae te kawa ae iangoaki arona iroun te Atua ao Ngaia naba ae kateia.

Ebera 13:14

B'a akea i roura ikai te kawa ae tei maan n aki toki; ma bon iai ae na roko, ae ti ukoukoria.

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

Ebera 9:8

Ao te Tamnei are Raoiroi E kaotia man aroni baikai ni baireaki b'a e tuai n uki te kawai nako nanon te tabo are moanibaan te tabu, ngkae e bon teimatoa n tei te ruu are te moa n ruu.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 21:2

Ao I nora te kaawa are tabu, are Ierutarem ae boou, b'a e ruo mai karawa mairoun te Atua, ao e katauraoaki n ai aron te aine ae katamaroaaki i bukin teuare e na mare ma ngaia.

Te Kaotioti 3:12

Ane tokanikai, ao N na karaoia b'a bouan ana Tembora Atuau, ao e na bon aki kona n oti nako mai iai; ao N na korea aran ana kaawa Atuau i aona, ao N na korea naba arau ae boou i aona.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.