Ioane 14:17 - Te B'aib'ara

¹⁷ Te Tia Buobuoki aei bon te Tamnei are Tabu i bukin te koaua; are e aki kona ni butim'aeaki iroun aonnaba, b'a e aki noria, ao e aki ataia. Kam ataia ngkami, b'a E maeka iroumi, ao E memena i nanomi.

Ioane 14:17 Iomraidhean Croise

Taeka n Rabakau 14:10

Bon akea ae e konaa n ataia raoi b'a m'aitira kukureim ke nanokaawakim.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Mataio 10:20

B'a tiaki ngkami ake kam taetae, ma bon Tamnein Tamami are taetae mai roumi.

Ioane 14:16

Ao N na butiia Tamau, ao Ngaia E na anganingkami temanna riki te Tia Buobuoki, b'a E na memena iroumi n aki toki.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 15:26

“Ma ngkana E roko te Tia Buobuoki, are te Tamnei are Tabu, are N na kanakomaia nakoimi mairoun Tamau, ao E na kakoaua i buku. N na kanakomaia nako imi mairoun te Tama, ao E na taetae i buku.

Ioane 16:13

Ma ngkana E roko te Tamnei are Tabu i bukin te koaua, ao E na kairingkami nakon te koaua ni kabanea: b'a E na aki taekina are oin nanona, ma E na taekina are E ongo, ao E na tuangngkami baika na roko.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

1.I-Korinto 14:15

Ao tera ngkanne? N na tataro n tamneiu, ao N na tataro naba ni kabongana au iango; N na anene n tamneiu, ao N na anene naba ni kabongana au iango.

1.I-Korinto 2:14

Te aomata ae akea Tamnein te Atua i rouna e aki kona ni butim'aai b'aai ake ana b'ai Tamnein te Atua, b'a e taku n ana iango b'a b'aai n nanobaba; ao e aki kona n atai aroia ma bukiia i bukina b'a akea Tamnein te Atua i rouna.

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

2.I-Korinto 13:5

Kam na kataingkami ao kakoauaingkami b'a kam bon onimaki ni koaua. Kam aki ataia b'a E mena Iesu Kristo i nanomi? ma E aki mena i nanomi ngkana kam a tia ni kataingkami ao kam kakoaua b'a kam aki onimaki ni koaua.

2.I-Korinto 6:16

Ao tera reitakin ana um'antabu te Atua ma bouannanti? B'a ngaira bon ana um'antabu te Atua ae maiu, n ai aron ana taeka te Atua are kangai: “N na mamaeka i buakoia ao N na nakonako i buakoia; N na riki b'a Atuaia, ao a na riki b'a au aomata.”

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Ebeto 2:22

Ni katiteuanakimi ma Ngaia ao kam a kateaki naba ma raomi nako n onimaki b'a ana auti te Atua ae na mamaeka iai iroun Tamneina are Raoiroi.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

2.Timoteo 1:14

Ko na kawakina te baere raoiroi are mwiokoaki i roum ni m'aakan te Tamnei are Raoiroi ae maeka i nanora.

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

1.Ioane 4:6

Mairoun te Atua ngaira: ane ata te Atua ao e ongo i roura; ane tiaki mairoun te Atua, ao e aki ongo i roura. Ti kona n ata te kaokoro i marenan tamnein te koaua ao tamnein te m'am'ana te aba.

1.Ioane 5:7

B'a teniman taani kaotioti.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.