Ioane 14:16 - Te B'aib'ara

¹⁶ Ao N na butiia Tamau, ao Ngaia E na anganingkami temanna riki te Tia Buobuoki, b'a E na memena iroumi n aki toki.

Ioane 14:16 Iomraidhean Croise

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ioane 14:14

Ngkana kam butiai te b'ai teuana n arau, ao N na karaoia.

Ioane 14:18

“N na bon aki kitaningkami ni kaaki taekami. I a manga okiringkami.

Ioane 14:26

Ma te Tia Buobuoki, are te Tamnei are Raoiroi, are E na kanakomaia te Tama n arau, E na reireingkami b'aai ni kabane, ao E na kaururingkami taeka ni kabane ake I a tia n atong.

Ioane 15:26

“Ma ngkana E roko te Tia Buobuoki, are te Tamnei are Tabu, are N na kanakomaia nakoimi mairoun Tamau, ao E na kakoaua i buku. N na kanakomaia nako imi mairoun te Tama, ao E na taetae i buku.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ioane 17:15

I aki tataro b'a Ko na uotiia nako mai aon te aba, ma I tataro b'a Ko na kawakinia mairoun teuare buakaka.

Ioane 17:20

I aki tataro i bukiia ti aikai, ma I tataro naba i bukiia ake a onimakinai n aia taeka,

Ioane 4:14

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

Ioane 7:39

E taekina aei Iesu b'a taekan te Tamnei are Tabu, are a na anganaki akana onimakinna: b'a e tuai anganaki te aba te Tamnei are Tabu, i bukina b'a E tuai ni bo ana tai Iesu n neboaki.

M'akuri 1:4

Ao ngke E botaki ma ngaiia, ao E kab'aka ana taeka nakoia ni kaangai, “Kam na aki kitana Ierutarem, ma kam na taninga koron nanon ana taeka n akoi Tamau are kam ongo mairou:

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 14:17

B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Ioane 2:1

Au ataei aika uarereke, I koroi baikai nako imi, b'a kam aonga n aki bure. Ao ngkana e bure temanna, ao bon iai te Tia Tei i bukira are Iesu Kristo ae atataiaomata, are mena iroun te Tama:

1.Ioane 2:27

Ao ngkami, E a tia Kristo ni karuoa Tamneina are Raoiroi i aomi. Ngkai e teimatoa aromi anne i Rouna, a aki kai nanomi ngkana kam aki reireiaki iroun temanna. Ma ngkai kam reireiaki iroun Tamneina are Raoiroi ni b'aai ni bane, ao baike e reireingkami iai bon te koaua, tiaki te kewe. Teimatoa n ana reirei te Tamnei are Raoiroi, ao ni maeka n te nano ae ti teuana ma Kristo.

2.Ioane 1:2

ti tangiringkami i bukin te koaua ae mena i nanora, ao e memena i nanora n aki toki.