Ioane 13:8 - Te B'aib'ara

⁸ E taku Betero nakoina, “Bon akea te anga ae Ko na teboki iai waeu!” E kaekaa Iesu ao E taku, “Ngkana I aki teboki waem, ao ko aki buokanib'ai ma Ngai.”

Ioane 13:8 Iomraidhean Croise

Karikani B'aai 42:38

Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Mataio 16:22

Ao e kaira Iesu Betero ni kaokoroa, ao e takuia b'a E na aki taetae n arona arei. Ao e taku, “E na nanoangaiko te Atua! E na aki riki aei nako Im!”

Mataio 21:29

Ao ngaia e kaeka ni kangai, I aki kan nako; ma i mwina ao e bita nanona ao e nako.

Mataio 26:33

E kaeka Betero ni kangai, “Ngkana e bua onimakinam irouia uaakai i bukin te bae na riki nako Im, ma e na bon aki bua au onimaki!”

Mataio 26:35

E taku Betero nako Ina, “N na bon aki kakeako, e ngae ngkana arona b'a N na mate ma Ngkoe.” Ao a bane n atongi naba taeka akekei ana reirei.

Ioane 13:6

E roko ngkanne iroun Timon Betero. E taku Betero nakoina, “Te Uea, Ko teboki waeu?”

Ioane 13:9

E taku Timon Betero nakoina, “Te Uea, tiaki ti waeu, ma teboki naba baiu ma atuu!”

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

I-Korote 2:23

Kanga b'aai ni baka n rabakau tuua aikai i rouia nake a i manonoia aomata b'a a na taromauriia anera, ao b'a a na b'aina te baka n nanorinano ma aki akoan te rab'ata; ma akea manenaia nakon te aomata ae kan tautaeka i aoni baika e kainanoi rab'atana.

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.