Ioane 13:5 - Te B'aib'ara

⁵ Ao i mwina E kab'aroa te ran i nanon te betin, ao E moanna n teboki waeia ana reirei, ao E kaoi n te kaoa are bae i nuukana.

Ioane 13:5 Iomraidhean Croise

Karikani B'aai 18:4

Taningaai b'a N na anaa te ran teutana i bukin tebokan waemi; kam kona ni katoki kuami moa i aan te aroka aei.

Karikani B'aai 19:2

ao e taku, “Raou aika kam karineaki, I tauraoi ni buokingkami. Nako mai nakon ana auti ami toro. Kam kona n teboki waemi ma ni matu ikai nakon te tairiki. Ao ningabong, kam a manga uti n reitanako kawaimi.” Ao a kaeka uakekei ni kaangai, “Ti aki, b'a ti a boni mena naba i tinaniku ikai ni karokoa te ngaina.”

Karikani B'aai 43:24

Ao e kairiia tarin Ioteb'a akekei te toro arei nakon te auti. E anganiia te ran b'a a na teboki waeia iai, ao e kamooi aia aati.

2.Uea 3:11

Ao e taku Ieotiab'ata, Antai Ana burabeti te UEA ae e iriira? Ti na titirakinna b'a tera ae e tangiria te UEA b'a ti na karaoia. Ao e taku temanna ana mataniwi Ioram, Ae ikai Eritai are natin Tiabata te m'aane. Bon te tia buobuoka Eria.

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Te Otinako 29:4

Kairiia Aaron ma natina mm'aane nako mataroan te Um'antabunrianna b'a a na tebotebo.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Nakoaia Ibonga 14:8

Ao e na teboka kunnikaina te aomata arei, ao e na korobuataua atuuna, man tebokia; ao e a tib'a itiaki. E a konaa n rin n te kaawa, ma e na aki riirin n um'ana n rianna i nanon itiua riki te bong.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Ruka 7:38

E tei i akuun Iesu i bukini waena n tang, ao e kam'aim'ai waena n ranni matana, ao e kaoi n iran atuna, ao e kaboria ma waena, ao e kabiri n te b'a.

Ruka 7:44

E rairaki ngkanne Iesu nakon te aine, ao E taku nakon Timon, “Ko nora te aine aei? I rin n am auti, ao akea te ran ae ko anganai b'a tebokani waeu, ma neiei e kam'aim'ai waeu n ranni matana ao e kaoi n iran atuna.

Ioane 13:10

E taku Iesu nakoina, “Ane e a tia n tebokia ao e itiaki rab'atana ni kabanea, ao e aki manga tangira te tebotebo, ma ti waena ae e na tebokia; ao kam itiaki, ma kam aki bane n itiaki.”

Ioane 13:6

E roko ngkanne iroun Timon Betero. E taku Betero nakoina, “Te Uea, Ko teboki waeu?”

Ioane 13:8

E taku Betero nakoina, “Bon akea te anga ae Ko na teboki iai waeu!” E kaekaa Iesu ao E taku, “Ngkana I aki teboki waem, ao ko aki buokanib'ai ma Ngai.”

Ioane 19:34

ma e ewara rarikina temanna irouia tautia n te kainiwai, ao e waanako naba ngkekei te raraa ma te ran.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

I-Ebeto 5:26

E karaoa aei b'a E na katabua te ekaretia i bukin te Atua n ana taeka, n tebokia ni kaitiakia n te ran,

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 5:6

Boni Ngaia Teuare nako mai n te raraa ma te ran, are Iesu Kristo. E nako mai, tiaki ti n te ran; ma n te ran ao n te raraa. Ao te Tamnei boni Ngaia te tia kaotiota koauan te baei; b'a te Tamnei bon te koaua.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

Tani Motiki-taeka 19:21

Ao e kairiia nakon ana auti ao e kam'arakei aia aati. Ao i mwiina, e teboki waeia, ao a am'arake ma ni mooi.

1.Tamuera 25:41

Ao e bobaraaki Nei Abikaira nako aontano ao e taku, “Bon ana toro ngai ae I tauraoi n teboki waeia ana toro nako.”