Ioane 13:38 - Te B'aib'ara

³⁸ E kaeka Iesu ao E taku, “Ko na anga maium i buku? Bon te koaua ni koaua ae I a tuangko, b'a i m'ain tangin te moa ao ane ko na katenua kakeaau.”

Ioane 13:38 Iomraidhean Croise

Taeka n Rabakau 16:18

E na bon uruana aromi te kamoamoa ae e bati.

Taeka n Rabakau 28:26

Bon ti nanobaba aika a onimakin aia iango n ti ngaiia, ma ngkana ko maiu ni wanawana, ao ko na karaoa ae te raoiroi ni kabane.

Taeka n Rabakau 29:23

E uota te kamamaaeaki te kainikatonga ae e bati; e karekea te neboaki te nanorinano.

Mataio 26:34

E taku Iesu nako ina, “E koaua ae I a tuangko, b'a n te tairiki naba aei, i m'ain tangin te moa, ao ane ko na katenua kakeaau.”

Mareko 14:30

E taku Iesu nakon Betero, “E koaua ae I a tuangko b'a n te tairiki naba aei, ao ane ko na katenua kakeaau i m'aini kauouan tangin te moa.”

Ruka 22:33

Ao e taku Betero nako Ina, “Te Uea, I tauraoi n iriko nakon te kabureaki ao te mate!”

Ruka 22:34

Ao Ngaia E kangai, “I tuangko Betero, b'a e na aki tangi te moa n te bong aei, ni karokoa ko katenua te tai am taeka n rawa b'a ko kinai.”

Ioane 16:31

E kaekaia Iesu ao E taku, “Kam a tib'a kakoauaai ngkai?

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 11:10

Tenua ana tai n roko te baerei, ao a manga bane n irakeaki b'aai akekei nako karawa.

1.I-Korinto 10:12

Ma ngaia aei, b'a ane taku n ana iango b'a e tei matoa, ao e na tarataraia b'a e kawa ni b'aka.