Ioane 13:19 - Te B'aib'ara

¹⁹ I taekina te baei ngkai nakoimi, ngkae e tuai n riki; b'a ngkana e riki, ao kam na kakoauaai b'a boni ‘Ngai ae Ngai.’

Ioane 13:19 Iomraidhean Croise

Itaia 41:23

Anga te b'ai ni kakoaua b'a bon anti ngkami n taekin b'aai aika a na bon roko rimwi. Karaoa te b'ai teuana ae e raoiroi ke e buakaka, b'a ti aonga ni miimi iai ma ni maaku.

Itaia 43:10

au Aomata bon au taani kakoaua ngkami ao taani m'akuri aika kam rineaki. I tangiringkami b'a kam na ataai, n onimakinai, ao n ataia b'a bon ti Ngai te Atua. Bon te Atua Ngai mangkoa; ao bon akea riki temanna i rarikiu.

Itaia 48:5

Ao I tuangngkami b'aai aikai, b'a ngkana a riki ao kam na aki kaangai, “A karaoa te aekaki aei taian bouannanti ake ti taromaurii.”

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Mataio 11:3

“Ngkoe Teuare nangi roko, ke ti na kaantaninga riki temanna?”

Mataio 24:25

Noria, I a tia n tuangngkami ngkai a tuai n roko.

Ruka 21:13

Aei ami tai ni kaota ami onimaki.

Ioane 1:15

E tataekinna Ioane, ao e kanenea b'anaana ni kaangai, “Bon aei Teuare I taekinna ngke I kaangai, Teuare roko i mwiu, E kakannato riki nako iu b'a ai kaman iai Ngaia ma ngkoa i m'aini bungiakiu.”

Ioane 14:29

Ao ngkai, I a tia n tuangngkami te baerei i m'ain rikina; b'a ngkana e riki, ao kam na kakoauaa.

Ioane 16:4

Ma I atongi baikai nakoimi b'a ngkana e roko te aoa are a karaoi iai baikai nakoimi aomata, ao kam na uringnga b'a I a kaman taekin nakoimi.

Ioane 4:26

E taku Iesu nakoina, “Boni Ngaia Ngai, ae I taetae nako im.”

Ioane 8:28

Ma ngaia are, E taku Iesu nakoia, “Ngkana kam a tia n tabeka rake Natin te Aomata ni katinea i aon te kaibangaki, ao kam a ataia iai b'a boni Ngaia Ngai, ao akea te b'ai ae I karaoia n oin nanou; ma I atongi baikai n ai aron reireiau iroun te Tama.

Ioane 8:58

E taku Iesu nakoia, “Bon te koaua ni koaua ae I a tuangngkami, b'a bon iai Ngai ma ngkoa i m'ain Aberaam.”