Ioane 13:17 - Te B'aib'ara

¹⁷ Ngkana kam atai baikai, ao kam a kab'aia ngkana kam karaoi.

Ioane 13:17 Iomraidhean Croise

Karikani B'aai 6:22

Ao e karaoi b'aai ni kabane Nooa n aron are E tuangaki iroun te Atua.

Taian Areru 19:11

A karekea te atatai nako iu, ngai ae am Toro; ao e reke kab'aiau n iran nanoia.

Te Otinako 40:16

Ao e karaoi b'aai ni kabane Moote n aron are E baaireia te UEA.

Taeka n Rabakau 29:18

Ngkana akea ana kairiiri te Atua ao ane a na mauna nako tua ma kaetieti, ma e kakab'aiaia aomata nako aika a ongotaeka n ana tua.

Ieremia 11:6

Ao i mwiin anne, e a manga tuangai te UEA b'a N na kaangai nako ia aomata ni kabane ake a mena i nanon kaawain Ierutarem ao i nanon kaawan nako Iuta: Kam na karaoa raoi nanon te boraraoi are I karaoia ngkoa ma ngkami.

Etekiera 36:27

i bukina b'a N na karina Tamneiu i nanomi ao ni karikingkami b'a kam na rangi ni kan ongotaeka nakon au Tua ma au Reirei nako.

Mataio 12:50

B'a ane toua mwin ana taeka Tamau are i karawa, ao bon tariu, ao m'aneu, ao tinau.”

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ioane 15:14

Raou ngkami, ngkana kam karaoi baika I tuangngkami.

I-Rom 2:13

B'a tiaki akana ongora n te Tua ae e na reke i rouia te reitaki ae e raoiroi ma te Atua, ma e na reke irouia akana ira nanon te Tua.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

Iakobo 1:25

Ma ane taratara te tua are moanibaan te raoiroi, are tuan te inaomata, n teimatoa iai, ngkai tiaki te aomata ngaia are e ongo ao i mwina e m'aninga, ma te aomata are karaoa nanon te baere e ongo, ao e na kakab'aiaki n are e na karaoia.

Iakobo 4:17

Ma ngaia aei, b'a ane ata aroni karaoan ae riai, ma n aki karaoia, ao e boni bure iai.

Te Kaotioti 22:14

A a kab'aia akana teboki aia kunnikai aika m'arairai, b'a e na reke nakoia te kona n roko n te kai ni maiu, ao te kona n rin nako i nanoni mataroan te kaawa, b'a a aonga n rin n te kaawa.