Ioane 13:1 - Te B'aib'ara

¹ I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 13:1 Iomraidhean Croise

Taeka n Rabakau 8:31

I rangi ni kukurei n te aonnaba aei ao I kukurei naba irouia ana aomata.

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Mataio 26:45

E okiria ngkanne ana reirei, ao E taku nako ia, “Ae kam boni matu naba ao kam motirawa? Noria, e a kaan te aoa are E na kam'aneaki iai Natin te Aomata nako nanoni baiia aomata aika buakaka.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Ruka 22:53

Ngke I memena ma ngkami n te bong ae koraki n te um'antabu, ao kam aki tauai. Ma e a bo ami tai ngkai, ae ana tai naba teuare buakaka are uean te roo.”

Ruka 9:51

Ngke e a kan roko te tai are E nang uotaki rake iai Iesu nako karawa ao E motika nanona b'a E na nako Ierutarem.

Ioane 11:55

E a kaan tain aia botaki I-Iutaia are te Toa are te Riao; ao a m'ananga aomata aika bati mai abaia, nako Ierutarem, i m'ain te Toa are te Riao, b'a a na kaitiakiia.

Ioane 12:23

Ao E kaekaia Iesu ao E taku, “E a roko te aoa are E na neboaki iai Natin te Aomata.

Ioane 13:29

Ma a taku n aia iango tabem'aang i buakoia ana reirei, b'a ngkae e mena iroun Iuta nen te m'ane, ao e a tuangaki iroun Iesu b'a e na kabo baike a kainanoi i bukin te Toa, ke e na angania akana aki kaub'ai te b'ai teuana.

Ioane 13:3

ao Iesu, n ataakina i rouna b'a E a tia Tamana ni kaaki b'aai ni kabane i aani m'akana, ao b'a E roko mairoun te Atua ao E na manga oki nakon te Atua,

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

Ioane 14:28

Kam ongo ngke I kaangai nakoimi, N na nako, ao N na manga okiringkami. Ngke kam tangirai, ao kam na boni kim'areirei, i bukina ngkai N na nako n Tamau; b'a E kakannato riki Tamau nako iu.

Ioane 14:31

ma e na ataia te aonnaba b'a I tangira Tamau; ao anne bukina ae I karaoi iai b'aai ni kabane ake E tuangai. “Tei rake, ti na nako maikai.

Ioane 16:28

I nako mai mairoun te Tama, ao I roko i aon te aba; ao ngkai, N nang kitana te aba n nakon te Tama.”

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Ioane 17:16

Tiaki ana b'ai te aba ngaiia, n ai arou ngkai tiaki ana b'ai te aba Ngai.

Ioane 17:26

I a tia ni kaota aram nakoia, ao N na bon aki toki ni kaotiotia nakoia, b'a a aonga n tangiria aomata n ai aron am tangira nako iu, ao b'a I aonga n nim ma ngaiia.”

Ioane 17:5

ao ngkai, Tamau, Ko na kamimitongai ike Ko mena iai, n te mimitong are mimitongiu ma Ngkoe, ngke e tuai ni karikaki aonnaba.

Ioane 18:4

E atai b'aai ni kabane Iesu ake a nangi riki nakoina, ma ngaia are E kerake, ao E taku nakoia, “Antai ae kam ukoukoria?”

Ioane 19:28

I mwin aei, ngke E ataia Iesu b'a a tia b'aai ni kabane, ao b'a e aonga ni kakoroaki bukin te taeka are koreaki n te B'aib'ara, ao E taku, “I taka.”

Ioane 2:13

E a kaan tain te Toa are te Riao, ao E nako Iesu nako Ierutarem.

Ioane 6:4

E a kaan tain te Toa are te Riao, are aia botaki ae kakannato I-Iutaia.

Ioane 7:30

A ukoukora te anga ae a na taua iai, ma akea temanna ae roko baina i aona, i bukina b'a e tuai ni bo ana tai are E na tauaki iai.

Ioane 7:6

E taku Iesu nakoia, “E tuai ni bo au tai; ma ngkami, e a tau naba iroumi te tai n aki akaaka.

Ioane 8:20

E atongi taeka aikai Iesu n te Tembora n te ru are a mena iai b'aoki ake a nneaki iai b'aai n tangira. Akea irouia aomata ae e taua ni kaburea, b'a E tuai ni bo ana aoa.

I-Rom 8:37

Ma moan te tokanikai ngaira i aoni baikai ni kabane iroun Teuare tangirira.

1.I-Korinto 1:8

Boni Ngaia are na kateimatoaingkami naba ni karokoa te toki, b'a kam aonga n aki kabuakakaki n ana bong ara UEA are Iesu Kristo.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Ioane 4:19

Ti b'aina te tangira, i bukina b'a E tangirira moa.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;