Ioane 12:5 - Te B'aib'ara

⁵ “E aera ngke e aki kaboaki nako te kabira aei n tenibubua te tenari, ao a anganaki akana aki kaub'ai?”

Ioane 12:5 Iomraidhean Croise

Etira 4:14

Ti bon kaongoko baikai, i bukina b'a a bon rangi ni m'aiti b'aai aika ko a tia ni karaoi i bukira, ao ti tangiriia aomata ni kabane b'a a na karineko.

Te Otinako 5:17

Ao e kaeka te uea ni kaangai, “Kam rangi n taningaroti, bon akea manenami b'a kam taningaroti! Ao bon anne bukina ngke kam aki toki ni buubutiai b'a N na kanakoi ngkami b'a kam na anga ami karea nakon Atuami.

Te Otinako 5:8

ma a na bon karaoa naba te m'aiti ni buriki n aron are a bon kaakaraoia mai m'aaina. A taningaroti, ke a aonga n aki manga butiai b'a N na kanakoia n anga karea nakon Atuaia.

Amota 8:5

Kam kaangai i nanomi, “E na b'ara n ningai te bootaki ae kakannato aei b'a ti aonga ni manga kabooi ara uita. E na toki n ningai te Taabati, b'a ti aonga ni manga kaboonako ara b'ai ni boob'ai? Ao ngkanne ti na kaboobuakai ma ni babakanikawaia aomata n ara b'ai n tau rawawata aika a kewe.

Mataio 18:28

Ao te toro aei, ngke e nako, ao e kaitibo ma raona n toro temanna ae iai ana tarau i rouna ae m'aitina tebubua te tenari; ao e taua ni koona roroana, ao e taku, Kamai kab'aran am tarau i rou.

Mataio 20:2

Ao ngke e a tia ni boraraoi ma taani m'akuri b'a e na kabooia n tatabeua te tenari n te bongina, ao e kanakoia nakoni nnen arokana te kureebe.

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 6:41

E aera b'a ko nora te maange ae moan te uarereke i nanoni matan tarim, ao ko aki nora te oka ane i nanoni matam?

Ioane 12:4

E taku Iuta Itekariota, are temanna i buakoia ana reirei, are nang kam'anea Iesu,

Ioane 12:6

E atonga aei, tiaki i bukina b'a e tabe i bukiia aika a aki kaub'ai; ma e atonga aei b'a te tia iraa ngaia, ao ngkai e mena i rouna nen te m'ane, ao e taneiai n ananaa are e taku mai iai i bon i bukina.

Ioane 13:29

Ma a taku n aia iango tabem'aang i buakoia ana reirei, b'a ngkae e mena iroun Iuta nen te m'ane, ao e a tuangaki iroun Iesu b'a e na kabo baike a kainanoi i bukin te Toa, ke e na angania akana aki kaub'ai te b'ai teuana.

Ioane 6:7

E kaeka Biribo ao e taku, “E aki tau uabubua te tenari b'a e na kaboaki iai te am'arake ngkai e na rangi n uarereke ae na reke iai b'a kanan temanna ma temanna?”