Ioane 12:42 - Te B'aib'ara

⁴² Ma e ngae n anne ao a bon onimakinna naba taan tautaeka aika bati; ma a aki kani kaotia, i bukina b'a a makuia B'aritaio, b'a a kaawa n tukaki mani m'aneabaia I-Iutaia:

Ioane 12:42 Iomraidhean Croise

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

Itaia 51:7

Ngkana kam tangiria ni karaoa ae e raoiroi ma n ongotaeka nakon au reirei ma nanomi ni kabane, ao kam na kakauongo raoi Irou. Kam na aki b'arannano ngkana iai aika a kamamaaeingkami ma n atong taeka aika a kamaraki nano.

Itaia 57:11

Ko m'aninga taekau ao ko a aki kakaonimaki i bukina ngke ko maaka te aomata temanna? Tao I a tia n aki kakarongoa n te tai ae e maan n te aro are ko a aki maakai?

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Ieremia 38:19

Ao e kaeka Tetekia, “I bon aki konaa n taenikai nako ia kaain B'aburon. I bon rangi ni maakuia taiani Iutaia ake a kaman reitaki ma ngaiia. B'a ane a na anga ngai kaain B'aburon nako ia taiani Iutaia akanne, ao a na bae ni kamarakai.”

Mataio 10:32

Ma ngaia aei, b'a ane kaotia i mataia aomata b'a raona Ngai, ao Ngai I a manga kaotia i matan Tamau are i karawa b'a raou ngaia.

Ruka 12:8

Ao I taku nako imi, b'a ane kaotia i mataia aomata b'a raou ngaia, ao Natin te Aomata e na manga kaotia i mataia ana anera te Atua b'a raona ngaia;

Ruka 23:13

Ao Birato, e weteia ni botiia aia mataniwi ibonga ma kaain te Tanirim ma aomata,

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

Ioane 11:45

Ma ngaia are, ngke a noori baike. E karaoi Iesu I-Iutaia aika bati, ake a roko ni kawara Nei Maria, ao a onimakinna.

Ioane 12:11

i bukina b'a a m'aiti I-Iutaia aika rawa i rouia, ao a onimakina Iesu i mwin te baere e a tia n riki nakon Rataro.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

Ioane 19:38

I mwini baikai, ao e butia Birato Ioteb'a are te I-Arimataia b'a e na uota nako rab'atan Iesu; ana reirei Iesu ngaia, ma e karabaa b'a e makuia I-Iutaia. E kariaia ana bubuti Birato, ma ngaia are e nako n anaa rab'atan Iesu ao e uotia nako.

Ioane 3:2

E nako n Iesu n te tairiki teuana, ao e taku nakoina, “Te Tia Reirei, ti ataiko b'a te tia reirei ae Ko nako mai mairoun te Atua: b'a e aki kona te aomata ni karaoi m'akuri aika kamimii aika Ko karaoi, ngkana E aki mena i rouna te Atua.”

Ioane 7:13

Ma akea ae kanenea b'anaana n taekinna irouia aomata, b'a a makuia I-Iutaia.

Ioane 7:31

Ma a m'aiti i buakoia aomata aika kakoaua Iesu. A taku, “Ngkana E roko te Kristo, ao E na karaoi m'akuri aika kamimii ni kabatiai riki nakon ake E karaoi Teuaei?”

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

Ioane 9:34

A kaeka ao a taku nakoina, “Te aomata ni bubure ngkoe, ni moa man te tai are ko bungiaki iai, ao ko na reireiniira? Ao a taua ma te matoa ni kaotinakoa man aia m'aneaba I-Iutaia.”

M'akuri 5:41

Ma ngaia are, a nako man te Tanirim ma te kim'areirei, b'a a kona n atongaki b'a a tau ni kamaamaaeaki i bukin te ara ae Iesu.

I-Rom 10:10

B'a e onimaki te aomata i nanona ao e reke i rouna kaetan arona n reitaki ma te Atua; e tataekina ana onimaki ni wina ao e kamaiuaki.

1.Ioane 4:15

Ane kaotia n ana taeka b'a e onimakina Iesu b'a bon Natin te Atua, ao E nim te Atua ma ngaia, ao ngaia e nim ma te Atua.

1.Ioane 4:2

Kam kona n ata te aomata b'a iai i rouna Tamnein te Atua n te aro aei: tamnei n tatabemaniia nako aika a kaotiia n aia onimaki b'a E roko Iesu Kristo b'a te aomata Ngaia, ao boni mairoun te Atua;