Ioane 12:34 - Te B'aib'ara

³⁴ Ma ngaia are, a kaeka aomata ni kaangai, “Ti ongo n te Tua b'a E na maiu n aki totoki te Kristo. Ko na kanga ngkanne n taku b'a E na kateaki rake Natin te Aomata? Antai Natin te Aomata anne?”

Ioane 12:34 Iomraidhean Croise

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

Taian Areru 110:4

E a tia te UEA ni kab'aka ana taeka ao E aki kona ni bitia: A kaangai ana taeka, “Ko na riki b'a te ibonga ngkoe n aki toki n ai aroni Merekitereka.”

Taian Areru 72:7

E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Itaia 53:8

E motikaki taekana nakon te mate n te moti ae e aki eti. Antai ae e konaa ni iangoa te b'ai are e nang riki nakoina? E anaaki maiuna i bukin b'aai aika a bure aika a tia ni karaoaki irouia au aomata

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Mataio 16:13

E roko Iesu n aaba ake i rarikini Kaitareia Biribi, ao E titirakiniia ana reirei ni kangai, A taku aomata b'a antai Natin te Aomata?

Mataio 21:10

Ngke E rin Iesu i Ierutarem, ao a kiriwe kaain te kawa, ao a taku, “Antai Teuaei?”

Mataio 8:20

E taku Iesu nako ina, “Iai nneia ni maeka kameaanti ao ngaoia manin aan-nang, ma akea nnen Natin te Aomata ae E na kawenea iai atuna.”

Ioane 10:34

E kaekaia Iesu ao E taku, “Tiaki e koreaki n ami Tua ae kaangai, I taku, ‘atua ngkami’?

Ioane 12:32

ao Ngai, ngkana I kateaki rake mai aon te aba, ao N na katiki nanoia aomata ni kabaneia b'a a na nako iu.”

Ioane 15:25

Ma e riki aei, b'a e na kakoroaki bukin te taeka are koreaki ni kaangai n aia Tua: ‘Akea bukin ribaau i rouia.’

Ioane 8:28

Ma ngaia are, E taku Iesu nakoia, “Ngkana kam a tia n tabeka rake Natin te Aomata ni katinea i aon te kaibangaki, ao kam a ataia iai b'a boni Ngaia Ngai, ao akea te b'ai ae I karaoia n oin nanou; ma I atongi baikai n ai aron reireiau iroun te Tama.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 5:18

Ma ngaia aei, ngkai a kabuakakaki aomata ni kabaneia i bukin te bure ae ti teuana, ao ai arona naba, b'a a na bane aomata nako ni kainaomataki ma n anganaki te maiu n te m'akuri ae e raoiroi ae ti teuana.

Ebera 7:24

Ma Iesu E boni maiu n aki totoki, ao e tiku n aki nako mai Rouna nakoana n ibonga.