Ioane 12:31 - Te B'aib'ara

³¹ Ana tai ngkai te aonnaba aei ni motikaki taekana; te tai naba aei are e na b'aka man ueana iai te tia taua taekan te aonnaba aei;

Ioane 12:31 Iomraidhean Croise

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Itaia 49:24

Bon akea kangaangan kamaiuan temanna mai roun temanna ae e korakora ae e iowawaa?

Mataio 12:28

Ma ngkana ni m'aakan Tamnein te Atua ae I kanakoia iai taimonio, ao nanona ngkanne b'a e a roko Uean te Atua i roumi.

Ioane 14:30

N na aki kabatia te taetae ma ngkami, b'a ae e a nako mai te tia taua taekan te aonnaba aei. Akea m'akana i aou;

Ioane 3:19

Ao aio te b'ai ae e motikaki taekan te aba iai: b'a e a roko te oota i aon te aba, ao aomata a tangira riki te roo nakon te oota, i bukina ngkai a bubuaka aia m'akuri.

Ioane 9:39

Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

1.I-Korinto 1:20

E nga ane rabakau? E nga te b'akuaku n taekan te Tua? E nga te tia rabakau ni kauntaeka i aon te aonnaba aei? Tiaki E a tia te Atua ni karaoa te nanobaba b'a rabakaun aonnaba?

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

I-Korote 2:15

ao i aon te kaibangaki anne, E a kainaomataki Kristo i Rouna mani m'aakaia uea ma ake a tauu aroia aomata; E karaoia b'a b'aai ni kamataku nakoia aomata ngke E kairiia n ana m'aati n tokanikai b'a taenikai.

Ebera 2:14

Ma ngaia ae ngkai a buokanib'ai ataei n te raraa ma te iriko, ao Iesu E buokanib'ai naba ma ngaiia ni baikai, b'a e aonga n riki matena b'a kataean ana kai teuare iai m'aakana i aon te mate, ao teuaei bon te riaboro;

1.Ioane 3:8

ane karaoa ae bure ao boni mairoun te riaboro, b'a e a kamani bubure te riaboro ma ngke a moa n riki b'aai. E karokoaki Natin te Atua i bukin aei, b'a E aonga n uru ana m'akuri nako te riaboro.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.

1.Ioane 5:19

Ti ataira b'a mairoun te Atua ngaira, ao aomata aika aomatan te aonnaba ae bubure a mena i aani m'aakan teuare buakaka.