Ioane 11:55 - Te B'aib'ara

⁵⁵ E a kaan tain aia botaki I-Iutaia are te Toa are te Riao; ao a m'ananga aomata aika bati mai abaia, nako Ierutarem, i m'ain te Toa are te Riao, b'a a na kaitiakiia.

Ioane 11:55 Iomraidhean Croise

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Te Otinako 19:10

ao E taku te UEA nako ina, “Ko na nakoia aomata ao n tuangiia b'a a na kabanea te bong aei ao te ingabong ni kaitiakia i bukin te taromauri. A na riai ni uati kunnikaia,

Warekaia Iteraera 9:10

b'a e na kaangai nakon te botaki n Iteraera: Ngkana tao arona b'a iai mai roumi ke mairouia kanoami ae riinga te mate, ao e a aki tau n taromauriai, ke ngkana tao kam mena i kiraroa n te kawai ae ananau, ao kam bon tangiria naba ni kan kauringa te Riao.

Warekaia Iteraera 9:6

A a tia tabeman mairouia aomata n aia maeka Iteraera n riinga te mate, ao aikoa tau n taromauria te UEA, ao a aki riai naba ni kauringa te Riao. Ma a bubutiia Moote ma Aaron, ao a taku,

Mataio 26:1

Ngke E a tia Iesu n atongi baikai ni kabane, ao E taku nakoia ana reirei,

Mataio 26:2

“Kam ataia b'a ai ti uabong, ao e a roko te Toa are te Riao; ao ane E na kam'aneaki iai Natin te Aomata b'a E na kamateaki n te kaibangaki.”

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

Ruka 22:1

E a kaan tain te Toa are te Berena are aki Karikaki are aranaki b'a te Riao.

Ioane 12:1

Onobong i m'ain te Toa are te Riao, ao E roko Iesu i Betania, ike e mena iai Rataro are kamaiuaki iroun Iesu man te mate.

Ioane 13:1

I m'ain rokon te Toa are te Riao, ao E ataia Iesu b'a e a roko ana aoa ni kitana te aonnaba aei nakon Tamana. E a kaman titiku i nanona tangiraia aomata ake a onimakinna, ake a mena i aon te aba, ao E tangiriia ni karokoa te toki.

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

Ioane 2:13

E a kaan tain te Toa are te Riao, ao E nako Iesu nako Ierutarem.

Ioane 2:6

Iai ikekei oneai nen te ran aika karaoaki man atiibu. A katauraoaki i bukini kaitiakaia I-Iutaia n aron are kaeti ma katein aia Aro. Kanoan teaina tao i marenan te m'aiti ae uabwi nakon tenibwi te kaaran.

Ioane 5:1

I mwin te b'ai are E karaoia Iesu, ao E nako Ierutarem i bukin aia botaki teuana ae kakawaki I-Iutaia.

Ioane 6:4

E a kaan tain te Toa are te Riao, are aia botaki ae kakannato I-Iutaia.

M'akuri 21:24

Ko na kairiia ni kaitiakiko ma ngaiia, ao ko na kab'akai booni karea i bukiia, b'a a aonga ni korobuatauia; ao ane a na bane n ataia iai aomata b'a akea koauan taekam ake a tia n tuangaki, ma ko bon nakonako naba i nanoni kawakinan te Tua.

M'akuri 21:26

E anaiia ngkanne aomata akekei B'auro, ao n te bong are i mwina, ngke e tia ni kaitiakia ma ngaiia, ao e rin n te Tembora n anga taekani kaitiakaia b'a te bongi ra are e na toki iai, are a na bane naba iai n anga karea i bukin temanna ma temanna irouia uakekei.

M'akuri 24:18

Ngke I karaoa aei ao a norai n te Tembora, i mwin tian te m'akuri ni kaitiaki nako iu. Akea aomata i rarikiu, ao akea naba te kiriwe; ma iai I-Iutaia tabem'aang mai Atia aika mena ikekei.

1.I-Korinto 11:28

Ke e tirotiroa moa nanona te aomata, ao i mwina e na kana te berena, ma ni moi n te m'angko.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Tamuera 16:5

Ao e taku Tamuera, “Eng, boni ngaia. I roko b'a n na angakarea nakon te UEA. Katauraoingkami b'a kam na ira te angakarea ma n airi ma ngai.” Ao e kaooa naba Iete Tamuera ma natina m'aane b'a a na ira te angakarea, ao e tuangiia, ao e kairiia b'a a na ira te angakarea.