Ioane 11:54 - Te B'aib'ara

⁵⁴ E aki manga m'am'ananga Iesu ni kaotiotia i mataia I-Iutaia, ma E kitana ikekei ao E nako n te aba are i rarikin te rereua, nakon te kaawa are arana Eberaim; ao E tiku iai ma ana reirei.

Ioane 11:54 Iomraidhean Croise

2.Tamuera 13:23

Uoua te ririki i mwiina, a tabe n koroburaea te tiibu ana taani m'akuri Abetarom i B'aara Atora i rarikin te kaawa are Eberaim, ao e kaoiia natiia uea ni kabane aika m'aane Abetarom nako ikekei.

2.Rongorongo 13:19

Ao e teimatoa Abiia ni buakaniia kaain ana taanga ni buaka Ieroboam ma n taui kaawan nako Iteraera aika Betaera, Ietiana, ao Eberon, n ikotaki ma kaawa aika a uarereke ake i rarikiia.

Ioane 10:40

E kitana ikekei Iesu ao E ri nukan te karaanga are te Ioretan nako tanimainikuna nakon te tabo are e b'ab'abetito ngkoa iai Ioane; ao E tiku ikekei.

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

Ioane 7:10

Ngke a tia n nako tarina nakon te Toa are te Um'anrianna, ao Ngaia E nako naba, ma E karaba n nako n te aro ae akea ae ataia.

Ioane 7:13

Ma akea ae kanenea b'anaana n taekinna irouia aomata, b'a a makuia I-Iutaia.

Ioane 7:4

B'a akea te aomata ae karaba ana m'akuri ni karaoia ngkana iai i nanona te kan ataaki irouia aomata. Ngkai Ko karaoi baikanne, ao kaotiko nakoia aomata nako!”