Ioane 11:47 - Te B'aib'ara

⁴⁷ Ma ngaia are, a tewea te kabowi aia mataniwi ibonga ma B'aritaio, ao a taku, “Tera ae ti na karaoia? B'a a bati m'akuri aika kamimii aika E karaoi te aomata arei.

Ioane 11:47 Iomraidhean Croise

Mataio 26:3

N te tai naba anne, ao a botaki ibonga ake mataniwi ma aia unimm'aane aomata i nukan ana auti mataniwiia ibonga are arana Kaiaba, n te tabo are aki bono aona,

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

Ruka 22:2

Ao mataniwiia ibonga ma taani koroboki, a ukoukora aroni kamatean Iesu n te aro ni karaba; b'a a makuia aomata.

Ioane 11:57

A a tia ni kanakoa aia taeka aia mataniwi ibonga ma B'aritaio, b'a ngkana iai te aomata are ata te tabo are E mena iai Iesu, ao e na kaotia, b'a a aonga n taua Iesu.

Ioane 12:19

A i taetae ngkanne B'aritaio i rouia, ni kaangai, “Kam noria b'a akea te bae kam kona ni karaoia; noria, e a bane n nako te aba n iria.”

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

Ioane 6:2

A iria aomata aika rangi ni m'aiti i bukina b'a a tia n noori ana m'akuri aika kamimii ni kamaiuaia aoraki.

Ioane 7:32

A ongo taekan Iesu aikai B'aritaio n aia wirikiriki aomata, ma ngaia are i mwin reken aia iango ma ibonga ake mataniwi, ao a kanakoia bureitimanin te Tembora b'a a na taua Iesu ni kaburea.

Ioane 7:45

A oki bureitimanin te Tembora nakoia ibonga ake mataniwi ma B'aritaio; ao ngaiia a taku nakoia bureitimanin te Tembora, “Kam aera ngkai kam aki kairiia mai?”

M'akuri 5:21

Ao ngke a tia n ongo aei, ao a rin n te Tembora, ngke e a tib'a moa n ingabong, ao a reirei iai. Ao e roko aia mataniwi ibonga ma raona nako, ao a weteia aia unimm'aane tibun Iteraera i bukini karaoan aia kabowi are te Tanirim, ao a kanaanako nakon te karabuuti b'a a na kairaki taan tuatua nakoia.

M'akuri 5:24

Ngke e ongo taeka akekei aia mataniwi bureitimanin te Tembora, ma ibonga ake mataniwi, ao a nanokokoraki iai, b'a e na kanga n riki te baerei.