Ioane 11:40 - Te B'aib'ara

⁴⁰ E taku Iesu nakoina, “Tiaki I a tia n tuangko b'a ngkana ko onimaki ao ko na nora iai m'aakan te Atua?”

Ioane 11:40 Iomraidhean Croise

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taian Areru 63:2

N na noriko n am Tembora are Tabu, ao N na taratara aroni m'aakam ma mimitongim.

Taian Areru 90:16

Kariaira, ngaira aika am Toro ma natira, B'a ti na noori am M'akuri aika kamimii aika Ko karaoi.

Te Otinako 16:7

Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mareko 9:23

E taku Iesu nako ina, “Ngkana ko boni kona ngkoe! A konaki b'aai nako iroun ane onimaki.”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 11:4

Ngke E ongo Iesu, ao E taku, “Tiaki te aoraki ae e na mate iai te aomata, ma e riki aei i bukin neboan te Atua, ao b'a E aonga n neboaki iai Natin te Atua.”

Ioane 12:41

E atongi baikai Itaia i bukina b'a e a kaman nora mimitongin Iesu, ao e taekinna.

Ioane 9:3

E kaekaia Iesu ao E taku, “E aki bungiaki ni mataki i bukin ana bure ke aia bure ana karo, ma e mataki b'a a aonga ni kaotaki ana m'akuri te Atua i rouna.

I-Rom 6:4

Ma ngaia ae ti taunaki ma Ngaia ni b'abetitoakira nako nanon te mate; b'a aron Iesu ngke E a manga kamaiuaki mai buakoia maate ni m'aakan te Tama, ao ngaira naba ti na nakonako i nanon te maiu ae boou.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.