Ioane 10:7 - Te B'aib'ara

⁷ Ma ngaia are, E a manga taku Iesu nakoia, “Bon te koaua ae I a tuangngkami b'a Ngai aia mataroa ni koaua tiibu.

Ioane 10:7 Iomraidhean Croise

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 79:13

Ao ngaira, aika am Aomata, aika am Nanai n tiibu, ti na neboiko n taai nako, Ao ti na tataekina kamoamoaam nakon te rorona ma te rorona.

Taian Areru 95:7

Bon Atuara Ngaia; Ana aomata ngaira aika E tararuaira, kanga ai aron te tia kawakin-tiibu n tabeakiniia ana nanai n tiibu. N te bong aei, ao kam na ongora n te bae E na taekinna:

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Etekiera 34:31

Bon Au tiibu ngaiia; ao Ngai Atuaia, ao boni Ngai ae I kaawakiniia.

Etekiera 36:38

A na manga kaonaki taiani kaawa aika a wene n uruaki n taian aomata, n aron Ierutarem ngkoa ngke e onrake n taian tiibu ake a na kareanaki i bukin te toa. Ao ane kam na ataia iai b'a bon te UEA Ngai.

Ioane 10:1

E taku Iesu: “Bon te koaua ni koaua ae I a tuangngkami: b'a ane aki rin ni nen te tiibu man te mataroa, ma e tam'arake man te tabo teuana, ao bon te tia iraa ao te tia kam'arua.

Ioane 10:9

Boni Ngai te mataroa; ngkana e rin te aomata irou, ao e na kamaiuaki: e na rin ao e na oti nako, ao e na karekea kanana.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.