Ioane 10:4 - Te B'aib'ara

⁴ Ngke a bane n oti nako ana tiibu, ao e ri moaia, ao tiibu a iria, b'a a kinaa b'anaana.

Ioane 10:4 Iomraidhean Croise

Ana Anene Toromon 2:8

I ongo b'anaan te aomata ae I tangiria, ngke e tabe n eweewe i aoni maunga ma tabuki

Ana Anene Toromon 5:2

I boni matu, ao I mii: E tei teuare I tangiria i matan te mataroa, e karebwerebwe ao e taku, “Raou ae e tangiraki, ae bon ti au b'ai au taobe ae akea waewaeana, kauka te mataroa nako iu! E a makuna atuu n aoin te tairiki.”

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Ioane 10:27

A ongo b'anaau au tiibu, ao I kinaia, ao a irirai.

Ioane 10:3

E kaukaki te mataroa nakoina iroun te tia tantani n te mataroa; a ongo b'anaana tiibu, ao e weteia ana tiibu n araia nako, ao e kairiia ni kaotinakoia.

Ioane 10:5

A aki kona n ira te ianena, ma a na biri nako mai rouna, b'a a aki kinai b'anaaia ianena.

Ioane 10:8

Taan iraa ao taani kam'arua te koraki ni kabaneia ake a roko i m'aiu; ma a aki ongo tiibu i rouia.

Ioane 12:26

Ane toro irou, ao e riai n irirai; ao ike I mena iai, ao e na mena naba iai au toro; ane toro irou, ao e na karineaki iroun Tamau.

Ioane 13:15

B'a I anganingkami te banna ni kakairi, b'a kam na katotonga ae I a tia ni karaoia nakoimi.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 3:29

Teuare e mena i rouna te aine ae a tib'a iein, ao bon te tia iein; ao raoraon te tia iein are te mm'aane, e teitei ao e rangi ni kim'areirei ngke e ongo b'anaan te tia iein. Ao aei bukin ae I rangi ni kim'areirei iai.

1.I-Korinto 11:1

Kakairi i rou, n arou ngkai I kakairi iroun Iesu.

I-Ebeto 5:1

Ma ngaia ae kam na kakairi iroun te Atua, n ai aroia ataei aika tangiraki;

Te Tua-Kaua 1:30

E na kaira te kawai te UEA ae Atuara, E na buaka i bukira, n aron are ti nooria ngke E karaoi b'aai ni kabane nakoia kaain Aikubita.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 6:20

ike E a tia n rin iai Iesu i bukira, ae te tia ri-moara; ao E riki b'a te Ibonga ae Kakannato n aki toki, n ai aroni Merekitereka.

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.

1.Betero 5:3

ao tai tau-taekaniia akana mena i aan ami tararua, ma kam na riki b'a banna ni kakairi nakon te nanai.