Ioane 10:33 - Te B'aib'ara

³³ A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

Ioane 10:33 Iomraidhean Croise

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

Taian Areru 82:6

I taku, ‘Taian atua ngkami; Natin te Atua are Moan te Rietaata ngkami ni kabaneingkami.’

Nakoaia Ibonga 24:14

E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Nakoaia Ibonga 24:16

E aoria ngkana te Iteraera ngaia ni bungiakina, ke ngkana te iruwa ae maeka i rarikimi.

Ioane 10:24

A otab'aninia Iesu I-Iutaia ao a titirakinna ni kaangai, “Maanra te tai ae Ko na katikuira iai n tataninga i m'ain ae Ko tuangiira te koaua? Tuangiira raoi te koaua: te Kristo Ngkoe?”

Ioane 10:30

Ti temanna Ngai ma te Tama.”

Ioane 10:32

E taku Iesu nakoia, “I a tia ni kaoti nakoimi m'akuri aika bati aika raraoi mairoun te Tama; e nga i buakoia ae kam na karebanai iai i bukina?”

Ioane 19:7

A kaekaa I-Iutaia ao a taku, “Iai ara tua ae kaotaki iai b'a E riai kamateana, i bukina ngke E atongnga b'a Natin te Atua Ngaia.”

Ioane 5:18

Ana taeka Iesu aikai, e a kakorakora riki kani kamateana irouia I-Iutaia: b'a E aki ti urua tuan te Taabati, ma E atonga te Atua b'a Tamana, ao n te aro aei E a karaoia iai b'a ti te bo Ngaia ma te Atua.

I-Rom 13:1

Ke a ongeaba aomata ni kabaneia irouia ake a tautaeka i aoia: b'a ti te Atua ae angan te aomata te m'aaka n tautaeka, ao Ngaia naba ae E kateia aika tautaeka ngkai n nakoaia.

I-Biribi 2:6

B'a arona aron te Atua, Ma akea i nanona te kan riki ni boraoi ma te Atua.