Ioane 10:32 - Te B'aib'ara

³² E taku Iesu nakoia, “I a tia ni kaoti nakoimi m'akuri aika bati aika raraoi mairoun te Tama; e nga i buakoia ae kam na karebanai iai i bukina?”

Ioane 10:32 Iomraidhean Croise

Taian Areru 35:12

A kaboa mwin au m'akuri ae e raoiroi n te buakaka, Ao I taonaki n te rawaawata.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Ieremia 37:18

Ao i mwiina, I reitanako au taeka ao I kaangai, “Teuae ko karineaki, E aera ngkai ko karinai n te karabuuti? I a tia ni kaairua n eekinakoko ma am mataniwi ke te botannaomata?

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Ioane 10:25

E kaekaia Iesu ao E taku, “I a kaman tuangngkami, ma kam aki kakoauai. A riki b'a b'aai ni kakoaua i buku baika I karaoi ni m'akan Tamau;

Ioane 10:31

A manga anai atibu I-Iutaia b'a a na karebanaia.

Ioane 10:33

A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

Ioane 10:37

Ngkana I aki karaoi ana m'akuri Tamau, ao tai kakoauaai;

Ioane 5:36

Ma iai te b'ai ni kakoaua i buku ae moamoa riki nakon are kaotiotia Ioane: boni baika I karaoi, aika m'akuri ake E anganai te Tama b'a N na karaoi; a riki b'a b'ai ni kakoaua i buku, ao a kaotia b'a E kanakomaiai te Tama.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 2:22

Mm'aane aika Iteraera, kam na ongo taeka aikai: Iesu are te I-Natareta are e kaotaki arona i buakomi b'a iai nakoana mairoun te Atua, are e kateretereaki raoi n taiani m'akuri aika kamimii, ma baika kamimii, ma kanikina, ake E karaoi te Atua i rouna i buakomi, n ai aron are kam bon ataia;

1.Ioane 3:12

ao ti na aki katotonga aroni Kain are mairoun teuare buakaka, ngke e kamatea tarina. Ao e aera ngke e kamatea? B'a kioina ngke a bubuaka ana m'akuri, ao a raraoi ana m'akuri tarina.