Ioane 10:29 - Te B'aib'ara

²⁹ Tamau, are anganai tiibu b'a au tiibu, E korakora riki nakoni b'aai ni kabane; ao akea ae kona n anaiia mairoun Tamau are kakawakiniia.

Ioane 10:29 Iomraidhean Croise

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Ioane 10:28

I angania te maiu are aki toki, ao a na bon aki mate; ao akea ae kona ni buribaiia mairou.

Ioane 10:30

Ti temanna Ngai ma te Tama.”

Ioane 14:28

Kam ongo ngke I kaangai nakoimi, N na nako, ao N na manga okiringkami. Ngke kam tangirai, ao kam na boni kim'areirei, i bukina ngkai N na nako n Tamau; b'a E kakannato riki Tamau nako iu.

Ioane 17:11

Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.

Ioane 17:2

B'a Ko a tia n anganna te m'aaka i aoia aomata ni kabaneia, b'a E na anga te maiu are aki toki nakoia ni kabane ake Ko anganna.

Ioane 17:6

“I a tia ni kaota aram nakoia aomata aika Ko anganai mai buakon te aba; bon am b'ai ngaiia, ao Ko anganai, ao a ongeaba nakon am taeka.

Ioane 17:9

“I tataro i bukiia; I aki tataro i bukin te aba, ma I tataro i bukiia aika Ko anganai, b'a am b'ai ngaiia.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.