Ioane 1:49 - Te B'aib'ara

⁴⁹ E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 1:49 Iomraidhean Croise

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 2:6

“I a tia ni kamaekaa au king i Tion, are au Maunga are Tabu.”

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

Taniera 9:25

Karekea i nanon te baei, ao ataa nanona: Maanin te tai man te tai are e nako iai te kaetieti i bukin manga katean Ierutarem ni karokoa rokon ana tia kairiiri te Atua ae e rineaki, e na riai n tia ni koro itiua m'aitin itibwi te ririki. E na manga kateaki Ierutarem ma kawaina, ao nonona aika a mamatoa, ao e na tei i nanon itiua kam'aitia ma onobwi ma uoua te ririki, ma e na riki b'a tain te kabuanib'ai te tai anne.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Teb'ania 3:15

E a tia ni katoka oream te UEA; E a tia ni kanakoia am kairiribai. E a mena i buakomi te UEA ae aia uea Iteraera. Bon akea te b'ai ae ti na riai ni maaku iai.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 14:33

Ao aomata ake n te booti a bobaraaki ni karinea ao a kangai, “Bon te koaua b'a Natin te Atua Ngkoe!”

Mataio 2:2

“E nga Teuare bungiaki b'a aia Uea I-Iutaia? B'a ti nora itoina i mainiku, ao ti a roko b'a ti na taromauriia.”

Mataio 21:5

“Kam na kangai nakoia kaain te kawa are Tion, Noria, E a nako imi ami Uea! Ae nimamannei, ae toka i aon te aati ao i aoni bunna.”

Mataio 23:7

A tangiria b'a a na kamauraki n te aro ni karinerine n taabo ni m'akete, ao b'a a na atongaki irouia aomata b'a taan reirei.

Mataio 23:8

Ma ngkami, kam na aki atongaki b'a ‘Taan Reirei’, b'a ti temanna ami Tia Reirei, ao taari ngkami ni kabaneingkami.

Mataio 27:11

E tei Iesu i matan te tia tau-taeka; ao e titirakina Iesu, ni kangai, “Aia Uea I-Iutaia Ngkoe?” E taku Iesu, “Ngaia ane ko taku!”

Mataio 27:42

“E kamaiuia tem'angina, ma E aki kona te kamaiua. Ngkana aia Uea Iteraera, ao ke E ruo man te kaibangaki ngkai, ao ti na onimakinna.

Mataio 4:3

Ao E kawaria te riaboro ao e taku nako Ina, “Ngkana Natin te Atua Ngkoe, ao Ko na tua b'a a na riki ni kariki atiibu aikai.”

Mareko 15:32

Ke E ruo te Kristo ae aia King Iteraera man te kaibangaki, b'a ti na mataku, ao ti a onimaki.”

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 19:38

Ao a kangai, “E a kab'aia te King ae roko n aran te Uea! Te raoi i karawa ao te neboaki ike moan te rietaata.”

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 1:38

E rairaki Iesu, ao E nooriia b'a a iria. E taku nakoia, “Tera ae kam ukoukoria?” A kaeka ni kaangai, “Rabi (ae nanona Te Tia Reirei), Ko maeka ia?”

Ioane 1:50

E kaeka Iesu ao E taku, “Ko onimaki ti i bukin are I tuangko b'a I noriko i aan te biku? Ane ko na noori baika ab'ab'aki riki nakoni baikai!”

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 4:31

A butia ngkanne Iesu ana reirei ni kaangai, “Te Tia Reirei, Ko na am'arake.”