Ioane 1:48 - Te B'aib'ara

⁴⁸ E taku Natanaera nakoina, “Ko ataai maia?” E kaekaa Iesu ni kaangai, “I noriko ngke ko mena i aan te biku, i m'aini weteam irouni Biribo.”

Ioane 1:48 Iomraidhean Croise

Itaia 65:24

Im'ain tokin aia tataro, ao N na kaekai aia tataro.

Mataio 10:3

ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Ioane 1:44

(Biribo boni kaaini Betetaita, ae aia kaawa naba Anterea ma Betero.)

Ioane 12:21

A nako ngkanne nakoni Biribo, are kaaini Betetaita are i Kariraia, ao a tuangnga ni kaangai, “Teuaei, ti kan nora Iesu.”

Ioane 14:8

E taku Biribo nakoina, “Te Uea, kaota Tamam nako ira, ao a rau nanora iai.”

Ioane 2:25

ao akea ae E kainanoia b'a e na tuangnga aroia aomata, b'a E bon ata are i nanon te aomata.

Ioane 6:5

E tabeki matana Iesu ngkanne, ao ngke E nooriia aomata aika rangi ni m'aiti b'a a nakoina, ao E taku nakoni Biribo, “Ti na kabo am'arake ia b'a kanaia aomata aikai?”

Ioane 6:7

E kaeka Biribo ao e taku, “E aki tau uabubua te tenari b'a e na kaboaki iai te am'arake ngkai e na rangi n uarereke ae na reke iai b'a kanan temanna ma temanna?”

1.I-Korinto 14:25

a na kaotaki baika raba i nanona, ao ane na katorobubua ni bobaraaki n taromauria te Atua, ao e na kaotia, “B'a e boni mena te Atua i roumi!”

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.