Ioane 1:14 - Te B'aib'ara

¹⁴ E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:14 Iomraidhean Croise

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Taian Areru 85:9

E bon tauraoi ni kamaiuia akana karinea, Ao E na kaota memenana i abara ni kamaiuakira i rouna.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Etekiera 37:27

ao N na maeka i buakoia Au aomata ao N na riki b'a Atuaia.

Mataio 1:16

ao Iakob'a, e karika Ioteb'a are bun Nei Maria, are E bungiaki mai rouna Iesu, are atongaki b'a Kristo.

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 2:7

E bungiia ana moa n nati te mm'aane ao e niria n te kunnikai ae te ninira, ao e kawenea ni nneni kanaia maan n am'arake b'a akea aia ruu n te auti n iruwa.

Ruka 9:32

Ao a matu nako Betero ma raona; ma ngke a uti, ao a nora mimitongin Iesu ma aomata ake uoman ake a tei ma Ngaia.

Ioane 1:1

Ngke a tuai ni karikaki b'aai, ao bon iai te Taeka; ao E memena iroun te Atua, ao bon te Atua te Taeka.

Ioane 11:40

E taku Iesu nakoina, “Tiaki I a tia n tuangko b'a ngkana ko onimaki ao ko na nora iai m'aakan te Atua?”

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 17:22

I angania te neboaki are Ko anganai, b'a a aonga n riki n teuana, n ai arora ngkai teuana Ngaira;

Ioane 17:24

“Tamau, I tangiriia ake Ko anganai b'a a na mena irou ike I mena iai, b'a a na nora neboakiu are Ko anganai ngke Ko tangirai i m'ain rikin aonnaba.

Ioane 18:37

E taku ngkanne Birato nakoina, “Bon te uea Ngkoe ngkanne?” E kaeka Iesu ao E taku, “Ko taku b'a te uea Ngai I bungiaki i bukin ae ti te kaotiota te koaua, ao aei naba bukin ae I roko iai i aon te aba. Ane b'ab'aina te koaua, ao e ongo b'anaau.”

Ioane 2:11

Aei te moa ni m'akuri ae kamimii are E karaoia Iesu i Kana i Kariraia; E kaota iai arona b'a E mimitong, ao a onimakinna ana reirei.

Ioane 3:16

B'a E tangira aonnaba te Atua n te aro are E anga natina ae te rikitemanna iai, b'a e aonga n aki mate ane onimakinna, ma e na reke i rouna te maiu are aki toki.

Ioane 3:18

Ane onimakina Natina ao e aki motikaki taekana; ma ane aki onimakinna, ao e motikaki taekana i bukina b'a e aki onimakina aran Natin te Atua ae te rikitemanna.

Ioane 6:51

Ngai te am'arake ae reke te maiu mai iai are ruo mai karawa. Ane kana te am'arake aei, ao e na maiu n aki totoki; ao te am'arake ae N na anga i bukini maiun te aonnaba bon irikou.”

Ioane 8:32

ao kam na ata te koaua, ao e na kainaomataingkami te koaua.”

M'akuri 13:33

e a tia ni kakoroa bukin aei nako ira ngaira aika kanoaia bakatibu, ngke E a manga kamaiua Iesu; n ai aron naba are koreaki n te Areru are te kauoua, are kaangai taekana, ‘Bon Natiu Ngkoe, I karikiko n te bong aei.’

I-Rom 8:3

B'a te bae e aki kona ni karaoia te Tua ngke e mamara i bukin te rab'ata, ao E karaoia te Atua: b'a E kanakoa bon Natina ma rab'atana ae ai aron rab'atara ae bubure, b'a E na motika taekan te bure ae n te rab'ata ni kabuakakaa, ao b'a E na kamaunaa te bure.

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

1.I-Korinto 15:47

E riki te moa n aomata mai aon te aba, ao e karikaki man te tano; te Aomata are te kauoman boni mai karawa.

2.I-Korinto 12:9

Ao E kangai nako iu, “E tau i bukim au akoi, b'a e oti aroni m'akau b'a e korakora n te mamara.” Ma ngaia ae moan te kukurei ngai ni kamoamoaai ni mamarau, b'a e aonga ni memena m'aakani Kristo i aou.

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Korote 1:19

B'a boni man nanon te Atua ae e reke iai iroun te Nati aron te Atua ni kabane;

I-Korote 2:3

are a bane ni karabaki i nanon taian rabakau ma atatai nako.

I-Korote 2:9

b'a e bane ni mena te aro n Atua i nanoni Kristo, ni maiuna n aomata.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 1:5

B'a te anera ra ae E kangai te Atua nako ina ngkoa, “Bon Natiu Ngkoe n te bong aei ao bon tamam ngai.” Ke ni kangai, “N na riki b'a Tamana Ngai ao Ngaia E na riki b'a Natiu.”

Ebera 10:5

Ma ngaia aei, ngke E nangi roko Kristo i aon te aba, ao E kangai nakon te Atua, “Ko aki tangira te karea ma te b'ai n tangira, ma Ko anganai rab'atau.

Ebera 2:11

B'a Iesu ni botaki ma ake a riki n tabu maiuia i Rouna b'a ana b'ai te Atua a bane n nako man te oi ae ti teuana. Ma ngaia ae E aki mamaa n atongiia b'a tarina,

Ebera 5:5

Ao ai aron naba Kristo, E aki neboaia i bon i Rouna n arona n riki b'a te Ibonga ae Kakannato Ngaia, ma E neboaki iai iroun te Atua ngke E kangai nako Ina, “Bon Natiu Ngkoe, I karikiko n te bong aei.”

1.Ioane 4:14

Ti a tia n noria, ao ti tataekinna naba b'a E a tia te Tama ni kanakomaia te Nati b'a te Tia Kamaiuia kaain aonnaba.

1.Ioane 4:9

E kaotaki tangirara iroun te Atua n aei: b'a E kanakomaia Natina are te rikitemanna nako aon te aba te Atua b'a ti aonga ni maiu i Rouna.

2.Ioane 1:7

B'a a bati taani m'am'ana te aba ake a tia ni waki n aia m'akuri i aonnaba, ake a aki kakoaua Iesu Kristo b'a E roko n rab'ata. Te aomata ae arona aei boni ngaia te tia m'am'ana te aba ao ana kairiribai Kristo.

Te Kaotioti 19:13

Ao E kunnikaiaki n te kunnikai ae kateboaki n te raraa; ao e atongaki arana b'a ana “Taeka te Atua”.

Te Kaotioti 21:3

Ao I ongo te b'ana man te kaintokanuea b'a e kaangai, “Noria, e mena ana um'anrianna te Atua irouia aomata! E na maeka i rouia, ao a na riki b'a ana botannaomata; ao te Atua E na memena i rouia.