Ioane 1:12 - Te B'aib'ara

¹² Ma iai ake a m'aneia n akoia, ao a onimakinna. E angania aomata akanne te kona n riki b'a natin te Atua,

Ioane 1:12 Iomraidhean Croise

2.Tamuera 7:24

Ko a tia ni rinea Iteraera b'a Am aomata n aki toki, ao Ko a tia n riki b'a Atuaia.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Ieremia 3:19

I aki toki n tangiria b'a N na karaoingkami b'a kaanga bon au ataei ma n anganingkami te aba ae te kabanea n tamaroa, te aba ae te kabane n tikiraoi i aon te aonnaba. I tangiringkami b'a kam aranai b'a “Tamami” ao kam na aki rairaki nako mairou.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Mataio 12:21

Ao ane a na onimakinna ianena.”

Mataio 18:5

Ane m'anea n akoa te teei ae ai aron aei, n arau, ao e m'aneai n akoai.

Ioane 1:11

E roko i abana ni koaua, ma a aki m'aneia n akoia kaain abana.

Ioane 1:7

E roko b'a te tia kakoaua ngaia i bukin te Oota arei, b'a a aonga ni bane aomata n onimaki n ana kaotioti.

Ioane 11:52

ao tiaki ti i bukiia, ma E na botiia natin te Atua, ake a maae nako, n ti teuana.

Ioane 2:23

Ngke E mena Iesu i Ierutarem n tain te Toa are te Riao, ao a m'aiti aomata ake a onimakinna, ngke a noori m'akuri aika kamimii ake E karaoi.

Ioane 20:31

ma a koreaki aikai b'a kam aonga ni kakoaua b'a Iesu bon te Kristo, are Natin te Atua; ao ngkai kam onimakinna, ao e na reke iroumi te maiu n arana.

Ioane 3:18

Ane onimakina Natina ao e aki motikaki taekana; ma ane aki onimakinna, ao e motikaki taekana i bukina b'a e aki onimakina aran Natin te Atua ae te rikitemanna.

M'akuri 3:16

E a kamaiuaki teuae kam noria ma ni kinaa, n onimakinan aran Iesu; b'a onimakinan Iesu boni ngaia ae angan teuaei te marurung aei n aron ae kam bane n noria i matami.

I-Rom 8:14

B'a akana kairaki iroun Tamnein te Atua ao bon natin te Atua.

I-Rom 8:16

Ao te Tamnei aei E i buobuoki ma tamneira ni kaotiotira b'a natin te Atua ngaira;

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

I-Korote 2:6

Ma ngaia aei, ngkai kam a tia ni butim'aea Kristo Iesu are te UEA, ao kam na maiu n reitaki ma Ngaia.

2.Betero 1:4

ake E anganira iai taeka n akoi ake a kakawaki ma ni moa ni kakannato, b'a kam aonga ni biri nako man te kaib'ab'aru ae kamamate ae i aon te aba, ao kam riki b'a taani buokanib'ai n te aro n Atua.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.

1.Ioane 3:10

A kaotaki natin nako te Atua ma natin nako te riaboro n aei: ane aki karaoa nanon te Atua ao tiaki mairoun te Atua, ao ai uana naba ma ane aki tangira tarina.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.