Ieremia 9:26 - Te B'aib'ara

²⁶ Etom, Ammon, ao Moaba, ao barongan te rereua. A a tia ni korotabonim'aneaki mm'aane ni botannaomata aikai, ma a aki taromauriai. Ao bon ti te bo naba ma ngkami kaain Iuta. A a tia ni kaitiakaki rab'atami, ma a tuai man bitaki nanomi.

Ieremia 9:26 Iomraidhean Croise

Ieremia 10:1

E taku te UEA: Ongora i Rou, ngkami aika Iteraera. Kam na aki irii kateia botannaomata aika ianena aika a mamaaku ngkana a noora te b'ai teuana ae e kamimii ae e riki i karawa.

Ieremia 4:4

Kam na kaawakina te boraraoi are I karaoia ma ngkami ma nanomi ni kabane. Ma ngkana kam taningabono ma n aki toki ni buubure, ao e na ura uniu kaanga te ai ae e aki konaa ni manga tiringaki.

Ieremia 40:11

I nanon te tai anne, a bane n ongo Iteraera ake a mena i Moaba, Ammon, Etom, ao n aaba ake tabeua ae e a tia uean B'aburon ni kariaia tabeman Iteraera b'a a na tiku i Iuta ao e karika Ketaria b'a aia tia tautaeka.

Ieremia 49:32

Ao i mwiina, a na aki riki ami kaamero ao te nanai n tiibu ae e korakora b'a ami b'ai. Kaain Rereuan Arabia, ane e na oroingkami te kabuanib'ai man taabo nako, ao ane kam na kamaaenakoaki i aon te aonnaba.

Ieremia 6:10

I a tia n tuangiia aomata ae Ko na katuaaia ngkoe ae te UEA, ma a ti ngare ao a rawa n ongo.

Etekiera 31:18

Uean Aikubita, a na bane n riki baikai nakoim ma am aomata! Ti te bo ngkoe ma te aroka aei n te tai teuana—ko rietaata ma ni korakora riki nakoia aomata nako n te aonnaba. Ma ko na koreaki, n ai aron taian aroka ake n te nne n aroka are Eten ake a bon riai ni mate. Ko kanakoaki nakon aia aonnaba maate, ike ko na ikotaki iai.

Etekiera 32:19

Ko na kaangai nakoia: Ko na bae n tamaroa riki nakoia aomatan botannaomata ake tabeua, ma ko na bon mate naba ma n raoniia koraki ake akea atuaia n te aonnaba are inano.

Etekiera 44:7

E a tia ni kamatauningaaki au Tembora, i bukina ngke kam a tia ni kariaia ianena aika akea atuaia, aika a taningamatoa b'a a na roko ikai i nanon tain te anga karea nako iu. Kam a tia ni bure ma n tia n urua ara boraraoi ae e matoa.

Etekiera 44:9

Ai ngaia are, e kaangai Au taeka Ngai ae te UEA ae te Atua b'a te ianena ae akea atuana ae aki ongotaeka irou ae e na bon aki kariaiakaki i nanon au Tembora. Aio naba i bukiia ianena akana a maeka i Iteraera.

Nakoaia Ibonga 26:41

Ngkana ko taekinna ma te nanorinano b'a ko a tia ni moana maiuakinan ae e eti,

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Te Tua-Kaua 30:6

Kam taningabono ma kanoami, ma E na karaoingkami te UEA b'a kam na kukurei n ongotaeka nakoina, ma n tangiria ma nanomi ao tamneimi ni kabane, ao kam na kukurei ma n ab'ab'aki maiumi.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”