Ieremia 9:22 - Te B'aib'ara

²² “E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

Ieremia 9:22 Iomraidhean Croise

2.Uea 20:13

E butim'aaia taan uarongorongo Etekia ao e kaoti nakoia taian tirewa ni kabane, ma koora ni kabane, boiarara ni kabane, ao taian b'a ake a mena n ana autinib'ai. Ao e boni kaota naba nakoia te tabo are e kaawakin iai ana b'ai ni buaka. Bon akea te b'ai teuana n ana bareti ao n abanueana ae e karabaa nakoia.

2.Uea 20:15

Ao e titiraki Itaia ao e taku, Tera ae ko kaotia nakoia? Ao e kaeka Etekia ao e kaangai, I kaoti b'aai ni kabane i nanon abanueau.

2.Uea 9:37

Ao e taku b'a e na maenako rab'atan Ietebera i aontano kaanga butaeia maan, ma ngaia are, akea ae e konaa n ataia b'a antai ngaia.

Iobi 5:13

ao E karaoia aomata aika rabakau b'a a na m'ane ni bon oin aia babaire n te aro are e aki koro bukin te b'ai teuana ae a karaoia;

Taian Areru 49:7

Akea ae e kona ni kaboa maiuna, Ke n angan te Atua booni maiuna:

Taian Areru 83:10

Ko katae aia kai i Entora, Ao a wene ni mka rab'ataia i aontano.

Taeka n Rabakau 18:11

a taku aomata aika a kaub'ai b'a te m'ane bon te oo ae otangaia.

Taeka n Rabakau 23:4

Kataia b'a kam na aki riki ni kaub'ai

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 25:33

Ngkana e oro, N na tiringiia aomata aika a m'aiti n te aro are a na raea rab'ataia i aon te tano kaanga nakotariia maan. Bon akea temanna ae e na tiku n te aro are e na reke taunakiia ke n tanginiwenei i bukiia.

Ieremia 6:21

Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.

Teb'ania 1:17

E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.