Ieremia 9:21 - Te B'aib'ara

²¹ Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Ieremia 9:21 Iomraidhean Croise

2.Rongorongo 36:17

Ao e kanakoa uean B'aburon are Nebukaneta te UEA b'a e na buakana Ierutarem. Ao Nebukaneta, e tiringiia rorobuaka n ataei ake n te Tembora, ao bon akea nanoangaan temanna i rouna, e ngae ngke te m'aane ke aine, te ataei ke te kara. E karaoia te Atua b'a e na tiringiia aomata ni kabane n te kaawa are e buubura arei.

Itaia 40:30

A na boni kua roronrikirake, a na tatatata ao a na b'aka.

Ieremia 15:7

ma ni kamaenakoingkami kaanga te uteute ae e ukaki nako n te ang. N na katuaaingkami n te nanokawaki ao te mate i bukina ngkai kam rawa ni biti aromi.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Ieremia 44:7

Ao e aera ngkai kam kamatoa naba ni manga uaa koron te kaanganga riki teuana? Te kabuanib'ai are e na aki ti uruaningkami, ma e na uruani naba natimi ao ami ataei aika a uarereke.

Ieremia 50:30

Kaain B'aburon, I berita Ngai ae te UEA b'a a na bon wene ni mate naba i nanon kawain te kaawa am tautia aika a bane aroia.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 6:21

Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ioera 2:9

A b'aroakina oon te kaawa ao a nini mwengara nako; a kawakawa i nanon taian winto kaanga taani kimoa.

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Amota 6:9

E ngae ngkana tengaun te m'aane aika a tiku n te auti ao a na bon bane naba ni mate.

Teb'ania 1:17

E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.