Ieremia 9:2 - Te B'aib'ara

² Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

Ieremia 9:2 Iomraidhean Croise

Itaia 59:3

A onrake ami taeka n taiani kewe ao ni iango n tiritiri; a buta tabonibaia ni kabane n te raraa.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Ieremia 13:22

Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 23:10

A a tia ni kaburei kamanenaakin m'aakaia taian burabeti aika aki kakaonimaki i aon te aba arei ni kabuta. Ma ngaia are, E oniki aaba n uteute te Atua nakon taian rereua aika a kabuebue.

Ieremia 4:22

I ongo b'anaan te UEA ngke E kaangai, “A aki kubarai au aomata, bon ataei ngaiia aika a nanobaba ae a aki ataia ae a na katuaaeaki. Ti te b'ai ae a ataia aron karaoan te bure.”

Ieremia 5:1

Kakaaia aomata aika a raoiroi i Ierutarem aika a kataia ni kakaonimaki. Ngkana e konaa n reke i roumi temanna, ao N na kab'ara ana bure te kaawa ae e b'anin.

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

Ieremia 5:2

A bane aomata ni kabane n urua aia berita aika a karaoi n Arau.”

Otea 4:2

A aki toki n riiriki baikai Katekebuaka, karaoan ae e aki raoiroi, te tiritiri, te kimoa, ao te aki kakaonimaki. Te kiriwe n taabo nako.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Otea 7:4

A bane aomata nako n tam'are nanoia ti te bo ngaiia ma taiani kooro i nanon te ainumuum, ae e tauraoi ni kanakoa urana.

Mika 6:12

Am aomata aika a kaub'ai a babakanikawaia aika akea aia b'ai, ao bon taani kewe ngkami ni kabane.

Teb'ania 3:4

A akea onimakinaia burabeti, b'a a aki kakaonimaki: Ibonga a kabaarekai baike a tabu ao a minota ana tua te Atua nakon oin nanoia.

Maraki 2:11

Kam a tia ngkami aika kaain Iuta ma Ierutarem n aki kakaonimaki nakon te UEA. Kam a tia ni kamatauningaa ana Tembora are e tangiria, ao kam a tia ni karaoa te bure ae e rangi n ribaaki are taromauriaia anti tabem'aang.

Maraki 2:14

E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.

Tani Motiki-taeka 2:10

Ao i mwiin te tai ae aki maan, a mate kaain ana roro Iotua, ao a aki ataa te UEA te roro are i mwiina, ke a aki atai b'aai ni kabane ake E a tia ni karaoi te UEA i bukiia Iteraera ngkoa.