Ieremia 9:19 - Te B'aib'ara

¹⁹ Ao ngkai ngaira aika ti tang i Tion, ‘Ti a urubekebeke! Ti aki konaa n taona mamaara. A a tia n uruaki ara auti, ao ti a riai ni kiitana abara.’

Ieremia 9:19 Iomraidhean Croise

Itaia 32:9

Ongora nakon te b'ai ae I taekinna, ngkami aika aine aika kam aki kuukuba ao kam aki bwerengaki!

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 2:14

Kaain Iteraera, kam aki bungiaki b'a tooro ngkami; ma kam a anaaki b'a taenikai.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 7:15

Ao i bukimi ngkami aika kaain Iuta, N nang kanakoingkami man abau, N aron kanakoaia kaain Eberaim ao kaain baronga ake i meaang.

Ieremia 7:19

Ma a bon aki ti kamatauningaai, ma a bon kamatauningaia naba ni karaoi baika a na kamamaaeaki iai.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

B'aeb'aeti 4:15

A takaarua aomata ni kaangai, “Baane naako, b'a kam kam'araa, tai riingiira!” ma ngaia are a rere man te botannaomata teuana nakon teuana ma akea ae butim'aia.

B'aeb'aeti 5:2

A b'aini ara b'ai ianena; A maeka iruwa ni mwengara.

Etekiera 27:2

Etekiera ae natin te aomata, ko na anenea te kuna ni mate i bukin Turo,

Nakoaia Ibonga 18:25

Aia m'akuri e kabarekaa te aba. Ma ngaia are, te UEA E katuaea te aba ao ni karika naba te aba b'a e na m'anuokin taekaia taani maeka iai.

Nakoaia Ibonga 18:28

Ao n te aro anne, e na aki m'anuokiningkami te aba, n aron are e m'anuokiniia ake a maeka i m'aimi ngkoa.

Nakoaia Ibonga 20:22

Ongotaeka nakon au tua ma au reirei nako. Rimwi e na rangi n aoraki te aba are I anganingkami ao e na kona n tewenakoingkami.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Te Tua-Kaua 28:29

n te aro are kam na riki b'a aomata aika matakii aika kakaaenako baiia e ngae ngkana e a kiro te tawanou, ao a aki kona naba n ataia b'a e a bong ke a ngaina. A na oroingkami ma ni kimoai ami b'ai aomata ni kabane bongin maiumi, ao bon akea ae na kona ni katokiia.