Ieremia 9:18 - Te B'aib'ara

¹⁸ Ao a taku aomata, “Kawaekoaia n nakomai b'a a na tang i bukira, ni karokoa a taonako matara n taian rannimata.

Ieremia 9:18 Iomraidhean Croise

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Itaia 22:4

Ao i mwiina, I a taku, “katukai n arou! Kariaia b'a N na tang ni katinakoi rannimatau aika a maai. A tia ni tiringaki au aomata, ma ngaia ae kam na aki karaua nanou.”

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 3:24

Ni moa man aia bong ara bakatibu ngke te botannaomata ngaira ae e uarereke, e a tia n anai ara uita ara nanai ni man ma natira mm'aane ao natira aine B'aara are te kananoanga.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

B'aeb'aeti 2:18

O Ierutarem, ke a tang oom nakon te UEA! Ke a raanga nako rannimatam n ai aron te karaanga ni bong ao ni ngaina; Ko na tang n rawaawata n akea am tai!

B'aeb'aeti 3:48

A tao karaangan rannimatau i bukin uruaia au aomata.

Amota 5:16

Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,