Ieremia 9:17 - Te B'aib'ara

¹⁷ E taku te UEA ae Moan te M'aaka, “Kanako ia aine aika a kaboaki b'a a na tanginiwenei n tain te bootaki n taunimate, ai moara ra riki aine ake a konaa n tang n takaarua.”

Ieremia 9:17 Iomraidhean Croise

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Iobi 3:8

Tuangiia taan tabunea b'a a na karereantia te bong anne, koraki ake a ataa aron tauani mwiin te Rib'aietan

Te Minita 12:5

Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

B'aeb'aeti 2:5

E a tia ni kamaunaa Iteraera te UEA, n ai aron te kairiribai; E kiitan taian nono ma baareti ngke a uruaki. E karokoa te rawaawata ae akea tokina i aon Iuta.

Etekiera 27:2

Etekiera ae natin te aomata, ko na anenea te kuna ni mate i bukin Turo,

Etekiera 32:16

Bon anne te kauring nakoim, ao e na kamanenaaki b'a te anene ni mate irouia aine ianena i bukin te b'aeb'aeti i bukiia am aomata. Bon aei au taeka Ngai ae te UEA ae te Atua.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Mataio 9:23

Ngke E roko Iesu n ana auti te tia tau-taeka, ao E noriia taani katangitang i bukin te mate, ma aomata b'a a tanginiwenei,

Mareko 5:38

A roko n ana auti Iairo; ao Iesu, E nora te mangao n aki rau irouia aomata: iai ake a kanenei b'anaaia n tang, ao iai naba ake a tangi ni b'aeb'aeti.