Ieremia 9:16 - Te B'aib'ara

¹⁶ N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

Ieremia 9:16 Iomraidhean Croise

Neemia 1:8

I butiiko b'a Ko na uringa te berita are Ko karaoia ngkoa nakon Moote. Ko tuangnga ngkoa b'a ngkana ti aki kakaonimaki, ao Ko na kamaenikuniira i buakoia botannaomata ake ianena.

Taian Areru 106:27

Ma ni kauamaaeia nako aia kariki i buakoia botannaomata, Ao a na mate n aaba aika tiaki abaia.

Te Minita 12:5

Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Ieremia 13:24

N na kamaaenakoingkami, kaanga aron angin te rereua ngkana e uka nako kunin te uita ni kakibarakea nako eta.

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 25:27

E a tia n tuangai ngkoa te UEA b'a N na riai n tuangiia ueea n tatabemaniia nako ni kaangai, “E tuangkami te UEA ae Atuaia Iteraera b'a kam na mooi man m'angkon te wain ae e on n unna. N na kamangingkami ao kam na mumuta. Ao ngkana e kanako ia taani buaka te UEA nako ia botannaomata nako, ao kam na bon konaaki n te kakoaua.”

Ieremia 29:17

E taku te UEA ae Moan te M'aaka, ‘N na karokoa te buaka, te baki, ao te aoraki i aoia, ao N na karaoia kaanga te biiku aika a rangi ni mori n te aro are a aki konaa ni kanaki.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Etekiera 11:17

Ao n te bong teuana, N na ikotingkami mai buakoia botannaomata nako ake kam maaenako i buakoia ma ni manga kamaekaingkami riki i Iteraera.

Etekiera 12:15

E na kairoroia nikiraia kaain Ierutarem b'a a na maeka i abaia botannaomata ianena, ao a na uringaaba iai b'a bon ngaiia aika a karaoi baikai ni kabane.

Etekiera 14:17

Ke ngkana I kanakoa te kairiribai b'a e na buakana te botannaomata ae e buubure aei man tiringiia aomata ma aia man.

Etekiera 20:23

Ai ngaia are I karaoa Au tuea ae e matoa b'a N na kamaaenikuniia Iteraera nakoia botannaomata nako,

Etekiera 27:2

Etekiera ae natin te aomata, ko na anenea te kuna ni mate i bukin Turo,

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Nakoaia Ibonga 26:33

Ngkana I a tia n urui ami kaawa nako aika a uarereke ma abami n te bo ni buaka, ao N na kamaenakoingkami i buakoia botannaomata.

Amota 5:16

Ao te UEA ae m'aaka e na kangai, “E na iai te tang n nanokawaki i nanon kawain te kaawa. Taan ununiki a na bon tang naba i bukiia ake a mate

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Tekaria 7:14

Ao bon anne bukina ngkai I roko ma te ukeuke n anti ao I kamaaenikuniia nakon aia botannaomata nako ianena, ma ni kiitana abaia ae e tangiraki n akea kaaina ao n urubekebeke.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 28:64

Ao ngkami aika kam aika reke maiumi kam na manga maenako nakon botannaomata tabeua i aon te aonnaba, ao ane kam na imanonoaki b'a kam na taromauri taian atiibu ao taian bouananti aika taiani kai aika a bon tuai buokingkami ke ni buokiia ami bakatibu.

Te Tua-Kaua 32:26

I tangiria ni kamaenakoingkami b'a e aonga n aki ataaki b'a kam boni maeka ngkoa ikanne.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.