Ieremia 9:15 - Te B'aib'ara

¹⁵ Ma ngaia are, I berita Ngai ae te UEA ae Moan te M'aaka, ae Atuaia Iteraera, b'a N na kaboitiniia ni kaam'arakeia ma ni kamooia.

Ieremia 9:15 Iomraidhean Croise

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 69:21

Ngke I baki, ao a anganai te am'arake ae kanga e kaboitinaki; Ngke I taka, ao a anganai te moi ae mao ae kamangingi.

Taian Areru 75:8

E taua te m'angko i baina te UEA, ae e onrake n te wain ae matoatoa are bon unna. E kab'aroa, ao a moi iai aomata aika buakaka ni kabane; A nimma ni karokoa te kabanea n timtim.

Taian Areru 80:5

Ko anganira te nanokawaki b'a ti na kanna, ao te boora ae kakanoa n te rannimata b'a ti na moi iai.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 2:22

Katoka onimakinan m'aakaia aomata. A na boni bane ni manga mate, ao a na kangaa ni buokingkami?

Ieremia 23:15

Kam a tia ngkami aika burabetin Ierutarem ni kabutaa nako te aoraki nakon taabo nako. Ao bon anne bukina ngkai I berita Ngai ae te UEA b'a N na anganingkami te boitin ae moan te korakora b'a kam na kanna ma n nimma.

Ieremia 24:10

A na oreaki n taiani buaka ma te baki ao taian aoraki, ni karokoa a mauna nako man te aba are I anganiia aia bakatibu.

Ieremia 25:15

E kaota nako iu te kaotioti te UEA ae Atuaia Iteraera ae e kaangai nanona, “Ieremia, aio te m'angko ae e kanoaaki n wainin uniu. Anaia ao kamooia teutana aomata ni kabane mai iai.

Ieremia 44:27

N onea mwiin arou ngkoa are te tararuaingkami nakon tarataraan te tai are N na karaoa iai te kamaraki nako imi. Iai i buakomi aika a na mate n te buaka, ao tabem'aang a na mate ni baki.

Ieremia 49:37

Ko na kamanatuaaki ao ko na tiringaki irouia aia taanga ni buaka, ao kam na kaitibo ma te kabuanib'ai are e reke man marakin nanou.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

B'aeb'aeti 3:15

Bon akea riki kanau mai rouna b'a ti te rawaawata ao te maraki.

B'aeb'aeti 3:19

Te b'ai ae kamaamate irou, ururingan marakiu ma tiotionakou.

Etekiera 5:12

A na mate katenim'akoromi i nanon Ierutarem ikai n te aoraki ke te baki. Katenim'akoromi a na mate n te buaka. Ao N na kamaaenakoia kabanean katenim'akoromi n aki akaaka, ao i mwiina, N na manga rimwi ngkami n tiringkami.

Etekiera 5:2

Ngkana ko tia ni buakana te buriki are e tei i bukin Ierutarem, ko na kauraa te b'ariko teuana are iram i aon te buriki. Ko na korokorea te kauoua ni b'ariko ao kab'akab'aka m'akorokoron nako iram ni katobibia te buriki. Ko na karenakoa te katenua ni b'ariko i nanon te ang, ao N na oroia n oin Au kabaang.

Te Tua-Kaua 28:36

Ao E na karikingkami te UEA b'a taenikai ngkami ma ami uea nakon te aba ae kam tuai man ongongo taekana ma ami bakatibu, ao ane kam na imanonoaki taromauri taian bouananti ikekei ake a karaoaki man taian kai ao atiibu.

Te Tua-Kaua 29:18

Ma ngaia are, kam riai ni kakoaua raoi b'a a bon kakaonimaki kaain ami baronga nako nakon te UEA ma n aki tataromauri bouanantin botannaomata tabeua. Ngkana iai mai roumi ae taromauri taian bouananti, ao kam na riki b'a kaanga wakaan te aroka ae rangi ni mao, ma ni kamaamate uaana.

Te Kaotioti 8:11

Ao aran te itoi arei e atongaki b'a Mao: ao e riki ni mao kateni-m'akoron raan; ao a bati aomata ake a mate ngke a moi n raan akekei, i bukina ngke a riki ni mao.