Ieremia 8:4 - Te B'aib'ara

⁴ E taku te UEA: Kaain Ierutarem, kam na manga teirake ngkana kam tatanako ma ni b'aka, ao ngkana e bure kawaimi, kam na manga rairaki n oki.

Ieremia 8:4 Iomraidhean Croise

1.Uea 8:38

ao Ko na kakauongo ngkana iai temanna ae e tataro ma nanona n raraoma ni koaua ma baina aika e tabeki nakon am Tembora.

Taeka n Rabakau 24:16

E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Itaia 44:22

Kam na okirai? I a tia ni kamaiungkami ao I kaitiaki ami bure nako ngke a matenten kaanga taiani karau.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 23:14

Ao kam rangi ni buakaka riki ngkami burabetin Ierutarem. Kam aki kakaonimaki nakon tuan ami mare ao kam aki konaa n taekina te koaua. Ao kam bon kairiia naba tabem'aang nakon te bure ngke kam bon riai ni buokiia ni kaokiia nako iu. Ngkami ma kaain Ierutarem ti te bo ami m'akuri aika a buakaka ma Totom ao Komora.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 36:3

ao warekia nako ia kaain Iuta. Tao e na toki iai karaoan te bure ngkana a ongo Au babaaire aika N nang karaoia nako ia. Ao ngkana a oki nako iu, N na kab'araa aia bure.”

Ieremia 4:1

E taku te UEA: Ngkana kam bon tangiria n oki nako iu, ao iangoi aroia taian bouananti aika a ribaaki aikai.

Etekiera 18:23

I bon aki tangiria n tarataraia aomata aika a buakaka ngkana a mate. I tangiria b'a N na nooria n rairaki man aia bure nako ma ni maiu.

Otea 14:1

Iteraera, rairaki! Oki rikaaki nakon te UEA, ae Atuam. E a tia ni kab'akako te bure.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Otea 7:10

Bon te UEA Ngai ae Atuaia, ma a aki konaa n rairaki nako iu n aia kangaanga ni kabane i bukin aia kainikatonga.

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Mika 7:8

Bon akea uaan ngareakinara irouia ara kairiribai. Ti a tia ni konaaki irouia, ma ti na manga tokanikai. Ti mena n te rootongitong ngkai, ma E na anganiira te oota te UEA.