Ieremia 8:2 - Te B'aib'ara

² ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ieremia 8:2 Iomraidhean Croise

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Uea 21:3

E a manga katei taian bouananti ake e a tia tamana are Etekia n urui. E a manga karaoa te baonikarea i bukini Baara ao e katea naba te boua ae e tabu i bukin taromaurian te anti are Nei Aatera, n aron are e a tia ni karaoia ngkoa uean Iteraera are Aaba. Ao e kakaonimaki n taromauria itoini karawa.

2.Uea 21:5

ao i bukin taian itoi te uea are Manate. E kamenaki taian baonikarea aikai i nanon m'aaken te Tembora,

2.Uea 23:5

E boni kanakoia man te aba naba aia ibonga beekan ni baangotan te aba are i nanon Iuta ao i rarikin nako Ierutarem. Aikai m'aane ake e rineia uean Iuta b'a a na anga taiani karea nakon B'aara ao nakon taai, nam'akaina, ao taiani itoi.

Taian Areru 53:5

Ma ane kam na taonaki n te maaku ae korakora ae akea n ai arona rimoa. Te Atua e na kamaenakoi riia aia kairiribai ana aomata ao ko na bon mamaa ngkana e aki butim'aiko te Atua.

Taian Areru 83:10

Ko katae aia kai i Entora, Ao a wene ni mka rab'ataia i aontano.

Taian Areru 83:11

Karaoa nakoia aia toka te baere Ko karaoia nakon Orebi ma Teebi; Katae aia kai aia uea n aron are Ko karaoia nakon Teba ma Taremunna,

Te Minita 6:3

E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Ieremia 14:16

Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 16:11

Ao i mwiina, ko na tuangiia te b'ai ae I a tia n taekinna: Kaain Iuta, a tannako ngkoa ami bakatibu ma i Rou, a katinanikui Au tua ao Au reirei ao a manga moana taromaurian anti tabem'aang.

Ieremia 16:4

Ane a na mate n te aoraki ae moan te kamaamate ao n te buaka ao te baki. Ao bon akea temanna ae e na karaoa te bootaki ni mate i bukiia ke n tauniia, ao e na riki rab'ataia b'a kanaia mannikiba ao maan aika a aki manana. Ao nikiran rab'ataia a na tiku i aon te tano kaanga nakotariia maan.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 22:19

Ko na taunaki n ai aron taunakin te aati; e na aeaeaki rab'atam nako tinanikun mataroan te kaawa ma n tewenakoaki i buakon te baareka. Bon aio au taeka Ngai ae te UEA.

Ieremia 25:33

Ngkana e oro, N na tiringiia aomata aika a m'aiti n te aro are a na raea rab'ataia i aon te tano kaanga nakotariia maan. Bon akea temanna ae e na tiku n te aro are e na reke taunakiia ke n tanginiwenei i bukiia.

Ieremia 31:40

E na katabuaki naba te M'arua are Innom are e rangi n ribaaki b'a e na riki b'a Au b'ai, ao ai uana naba ma taiani karaabee ake i mainiku ake a ruorikaaki nakon te Mataroa are Aoti nako nanon te M'arua are Kiteron. E na aki manga oki n uruakaki Ierutarem.

Ieremia 36:30

Ma ngaia are, boni Ngai ae te UEA ae I berita b'a ko na tiringaki ao e na karenakoaki rab'atam i aon te tano. E na ruonna kabuebuen taai n te ngaina, ao te kam'aitoro n te tairiki. Ao akea mai buakoia am kariki ae a na manga uea i aon Iuta.

Ieremia 9:20

“Ti butingkami aine b'a kam na kakauongo raoi nakon te b'ai ae E taekinna te UEA. Ti na reireiningkami te anene ni mate are kam konaa ni manga reireiniia natimi aine ma raoraomi:

Ieremia 9:21

Ti mena i nanon ara nono, ma e karaba n roko te mate ri nanon ara winto nako. E bon oroia naba ara ataei ni kab'akaia ngke a takaakaro ao ara rorobuaka n ataei aika a rangi ni korakora naba.”

Ieremia 9:22

“E a tia n tuangiira te UEA b'a e na onrake te tano n rab'ataia aomata aika a mate, kaanga oin taian uita aika a tuai ni bootaki ke kaanga nakotariia maan.”

Etekiera 29:5

N na karenakoko ma taian ika nako nanon te rereua, ao e na b'aka rab'atam i aon te tano ae e matoatoa. Ko na tiku n aki taunaki, ao a na kana irikon rab'atam maan aika a aki manana ma mannikiba.

Etekiera 39:5

rab'atamii aika a mate aika a tiku ni wene i nanon taian rereua aika a tangaina. Bon aei Au taeka Ngai ae te UEA.

Etekiera 6:5

A na wenerua taiani mate ao taian rii i rarikin taian bouannanti ao taian baonikarea.

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Teb'ania 1:17

E taku te UEA, “N na karokoa te kanganga nako aoia aomata, b'a aonga n nakonako ni kakaenako baaia kanga te aomata ae e mataki. A tia ni bure nako iu, ao ngkai ana waanako raraaia n ai aron te ran, ao rab'ataia ana wene n raea ni mate, ma ni buakaka i aontano.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.