Ieremia 8:13 - Te B'aib'ara

¹³ N na kamaunaia, Bon taiani kureebe ngaia aika akea uaaia; taiani biiku aika akea uaaia ke baaia. Bon akea te b'ai teuana ae a tia ni karaoia ni b'aai ake I tuangiia! Bon aio au taeka Ngai ae te UEA.

Ieremia 8:13 Iomraidhean Croise

Itaia 5:10

Tebwiina te eeka ni nnenaroka ni kureebe, e na ti karekea wanua te riita ranin te kureebe, ao tebubua wanibwi te riita ni koraa e na kona ni karekea tebwi ma wanua te riita te uita.

Ieremia 14:12

Ane a na bae n aki am'aam'arake Ma ngkana a tangira buokaia, N na bon aki ongo, N aki butim'aai aia karea nako. Ao N na onea mwiin anne ni karokoa te buaka, te baki, ao te aoraki are e na kamaunanako ia.”

Ieremia 14:15

A taku burabeti ni kewe aikai b'a e na reke te rau ma te am'arake ae e m'aiti. Ma I tuangngkami b'a bon burabeti naba aikai aika a na mate n te buaka ao te baki.

Ieremia 17:8

A na riki b'a kaanga taian aroka aika a maiu i rarikin te raanga n ran aroka aika a roko wakaaia n te ran ao baaia aika a mawaawa n taai nako. A katiinakoa te uaa ni katoa ririki ao a aki konaa n tare n te ran.

Ieremia 5:17

A na kana uaan arokami ma ami nanai ni man te botannaomata aei A na bon aki katuka te uaa teuana i aon ami kureebe ke arokami. E ngae ngke kam mano i akuun ami nono aika a matenten, ma e na bon uruaki naba ami kaawa nako ao a na bon tiringaki naba natimi.

Ieremia 7:20

Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Etekiera 22:31

Ma ngaia ae N na katuuaia Iteraera ni uniu ae e tiritiri i bukin te b'ai are a tia ni karaoia, ao a na ataia b'a I a rangi ni un. Bon aei Au taeka Ngai ae te UEA.

Otea 2:12

E taku, “A anganai au tangira taian nnenikureebe ao taian aroka ake taiani biiku b'a boou i bukin te wene ni bure.” Ngkai, Ngai ae te UEA, N na urui ana nnenikureebe ao arokana taian biku; a na riki b'a taian b'ariko n uita uteute aika a kanaki irouia maan aika a aki manana.

Ioera 1:7

A bane ni ngaongao ara kureebe ma ara biiku; a bon ti tiku naba taian m'aanga aika akea b'ain aoia.

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Ab'akuka 3:17

E ngae ngke akea uaan te biku ao akea uaan te kureebe e ngae ngke akea uaan te Oriwa, ao akea naba uitan te tawaana e ngae ngke a bane ni mate tiibu ao akea naba kaao i nanon nneia.

Akai 1:11

Ma ngaia are, a na bane n rereua b'aai nako n Au taeka-abami ao ami tabo n uteute, ami nne ni kureebe ao nnen arokami te oriwa, ami man ao ai boni ngkami. A na akea manenan ami m'akuri korakora.

Akai 2:17

N na karaoi am m'akuri korakora ni kabane b'a baika akea manenaia b'a N na karokoa te bekabeka ni kaai, te bwebwee n aoi, ao te karau te aiti-ma ko bon aki naba rairaki nako iu, Ngai ae te UEA.

Maraki 3:11

N na katoki taian rookati

Mataio 21:19

E nora te biku tekaina i rarikin te kawai, ao E nako iai; ao akea te bae E kunea iai b'a ti baana; ao E taku nako iai, “E na tai manga oki n riki uaam!” Ao e rai te biku n te tai naba arei.

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.