Ieremia 7:8 - Te B'aib'ara

⁸ Ma kam na ti taraa te b'ai ae e riki! Kam onimakin taiani kewe aika akea manenaia.

Ieremia 7:8 Iomraidhean Croise

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Ieremia 13:25

N na bon aki bita nanou. Bon aio au taeka Ngai ae te UEA. Kam katinanikuai ao kam taromauriia anti ni kewe.

Ieremia 23:26

A nako b'aai ni kabane ake a taekin man nanoia aika a b'aoua. E na maanra aron te waaki aei?

Ieremia 23:32

Kakauongo nakon te b'ai ae N na taekinna Ngai are te UEA! I kaaitaraia burabeti aika a taekin miia aika a on n taian kewe. A taekin taian mii aikai ao a kairiia aomata nako n aia kewe ma aia kainikatonga. I bon aki kanako ia ke n tuangiia b'a a na nako, ao bon akea te buoka ae e konaa n reke mairouia. Bon aei Au taeka Ngai ae te UEA.”

Ieremia 28:15

Ao i mwiina, I tuanga Anania te baei, ao I a manga taku, “Ongora, Anania! E aki kanakoko te UEA, ao ko karaoia aomata aikai b'a a na kakoaua te kewe.

Ieremia 4:10

I taku, “Bon te UEA Ngkoe ae te Atua. Ko a tia n kam'aneia raoi kaain Ierutarem! Ko a tia n taekinna b'a e na roko te rau, ma e a roko te kabaang i roroaia?

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 7:4

Kam na aki kaburababaingkami i bon i roumi! E mena au Tembora ikai i Ierutarem, ma tiaki nanona b'a N nang kamanoingkami.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.