Ieremia 7:29 - Te B'aib'ara

²⁹ Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Ieremia 7:29 Iomraidhean Croise

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Ieremia 12:7

I tangiriia Au aomata ao I rineia b'a bon Au b'ai ni koaua. Ma ngkai N nang katinanikuia ma n anga ngaiia nako ia aia kairiribai nako.

Ieremia 14:19

Te UEA, Ko a katinanikua Iuta? Ko a ribaa Ierutarem? E aera ngkai ko orea rikaaki Iuta: n te ikoaki ae moan te korakora? Ti a kaman kakantaningaa te rau ao te tai ni kamaiu, ma bon akea te b'ai ae ti karekea b'a ti te b'ai ae e kakamaaku.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 3:2

Kam na ti kataia ni kakaaea tabukin te tabuki teuana ike kam a tia n nako iai n taromaurii anti tabem'aang n aromi ni wene ni bure. Kam tekateka i rarikin te kawai kaanga te tia kimoa ae e karaoa te bakairaa, bon ti ngkoe ae ko angaanga rab'atam nako ia aomata aika a m'ananga. E kabuakaka te aba ami bure n aki kakaonimaki.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Ieremia 47:5

E a roko te nanokawaki ae e korakora irouia kaain Kata, ao a na aki kakarongoa kaain Atikeron. Tao a na maanra nikiraia kaain Biritia n tanginiwenei?

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Ieremia 6:30

ma a bon rangi ni buakaka au aomata n te aro are a aki konaa ni manga kabouaki, ao I a tia ni katinanikuia.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

B'aeb'aeti 5:22

Ko na bon teimatoa naba n aki kubariira? E a aki tootoki unim?

Etekiera 19:1

Etekiera, ko na anenea te kuna ni mate i bukiia ana taani kairiiri Iteraera ake uoman:

Etekiera 28:12

Etekiera ae natin te aomata, ko na anenea te kuna ni mate i bukin uean Turo ao ko na tuangnga au taeka ae e kaangai: N te tai teuana, ko rangi n raoiroi, rabakau, ao ko rangi n taraa raoi.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Mataio 12:39

Ma E kaekaia Iesu ao E taku, “A ukoukora te kanikina te roro ae buakaka ae aki ongotaeka nakon te Atua!” ma akea te kanikina ae a na anganaki, b'a ti te kanikina are te baere e riki nakon Iona are te burabeti.

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mataio 23:36

E koaua ae I a tuangngkami b'a a na bane n roko baikai i aon te roro aei.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

M'akuri 2:40

A bati riki ana taeka Betero nakoia, ao e butiia ni kaangai, “Kam na kamaiungkami man te rekenikai ane nang roko nakon te roro ae buakaka aei!”

Te Tua-Kaua 32:5

Ma ngkami kam kewetaia ao kam karaoi m'akuri ni baabakanikawai ao kam aki kakaonimaki nakoina, ao kam aki tau n riki b'a ana Aomata kam bon kamamaaeingkami ao bon akea manenami n riki b'a natina.