Ieremia 7:24 - Te B'aib'ara

²⁴ Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

Ieremia 7:24 Iomraidhean Croise

Neemia 9:29

Ko kauringiia b'a a na rairaki nakoim ao a na kunea te maiu ni koaua ngkana a ongotaeka nakon am tua nako. Ma a bon rangi n rawa ao a teimatoa ni kaakaraoa te bure.

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Ieremia 13:10

A buakaka kaain Iuta ao a taningabono. Ma ngaia are, ngkai a aki kakauongo i Rou, ma a karaoi b'aai aika a bon tangiria, ao a bon taromauri naba anti tabem'aang. Ngkana e tia te b'ai ae N na karaoia nako ia aomata aikai, ao a na riki b'a te b'ai ae akea manenana, a na riki b'a kaanga te kawaerake te kororo aei.

Ieremia 13:11

E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.

Ieremia 15:6

Au aomata, kam a tia ni katukai ma ni kitanai. I a kua ni kaotan te akoi. ao bon anne bukina ngkai N na tiringkami

Ieremia 16:12

Ao ngkami kam a tia ni karaoa ae moan te buakaka riki! Kam taningabono, ao kam karaoi b'aai aika a buakaka ake a reke n ami iango, ngke kam bon riai n ongotaeka.

Ieremia 17:23

Akea te b'ai teuana ae kam na uoti n rinnako i nanon mataroan te kaawa ke i nanon mataroan ami auti, ke n taabo nako.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 18:10

ma ngkana e a manga moana aki ongotaekana nako iu ma ni karaoa te buakaka, ao ane N na manga bita nanou ao N na aki manga oki ni buokiia.

Ieremia 18:12

Ma I ataia b'a kam aki ongo. Ao kam na bon kaangai naba, “Ti aki tabe ma te b'ai ae Ko taekinna. Ti a tia n iangoia b'a ti na karaoa te bure, ao ti taningamatoa ma ni karaoa te b'ai ae ti bon tangiria!”

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 3:13

Kam na ti kaotia raoi b'a kam bon kamangao ao kam taromaurii antiia ianena i aan kaai aika a korakora n taabo n aki akaaka.

Ieremia 3:17

E na riki te kaawa ni kabane ae Ierutarem b'a au kaintokanuea. A na bane n nakomai botannaomata n taromauriai, ao a na aki manga iri nanon taningamatoaia ao nanoia aika a buakaka.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Ieremia 35:15

Kam aki kan ongo irouia Au burabeti, aika a aki toki n taetae nako imi ni kaangai, “Katoka karaoan te m'akuri ae e buakaka ao taromauriaia anti tabem'aang! Moana ongotaekami i roun te UEA ao ane E na kamaiungkami n te aba aei are e anganiia ami bakatibu.”

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Ieremia 7:26

Ma kam aki kubarai ao kam karikirakea riki taningabonomi ao karaoan te bure nakon are a karaoia ami bakatibu!

Ieremia 8:5

Ma ngaia are, e aera ngkai kam rawa n oki nako iu? E aera ngkai kam baimatoai antimi ni kewe?

Ieremia 9:14

A taningabono ao a taromauria B'aara, n ai aron are a karaoia ngkoa aia bakatibu.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:16

I taekina aei i bukina ngke a aki ti katinanikui au Tua ma au Reirei, ma a kamatauningaa naba au Taabati ao a taromaurii taiani bouannanti.

Etekiera 20:21

Ma a bon kamangao naba naati nako iu. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. E a rangi ni maraki nanou ao I a baaireia b'a N na katuaaia i nanon te rereua.

Etekiera 20:8

ma a bon kamangao naba nako iu. A rawa n ongo ao a teimatoa n taromauriia taiani bouannanti ao antiia ianena. Ao I baaireia b'a N na katuaaia Iteraera i Aikubita i bukin marakin nanou.

Taniera 9:6

Ti a tia n aki kan ongo iroun am toro are te burabeti, are e taetae n Aram nakoia ara uea, ma ara taan tautaeka, ma ara bakatibu, ao ara botannaomata.

Otea 10:6

E na uotaki nako Aturia ao e na anga te aba nakon te uea are e kakannato. Ao i mwiina, e na kamamaaeaki Iteraera i bukin taromaurian te bouananti anne.

Otea 4:16

Bon akea uaam n ai aron te kao ae e taningabono ko rangi n taningabono n te aro are I aki konaa Ngai ae te UEA, ni kaam'arakeko kaanga taian tiibu ataei i nanon te tabo n uteute ae e tangaina.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.