Ieremia 7:23 - Te B'aib'ara

²³ Ma I ti kaangai nako ia, “Ngkana kam ongo i Rou ma ni karaoi b'aai aika I tuangngkami, ao N na riki b'a Atuami, ao ngkami kam na riki b'a Au aomata, ao a na akea ami kangaanga.”

Ieremia 7:23 Iomraidhean Croise

Iobi 36:11

Ngkana a ongotaeka i roun te Atua ma n toro i Rouna, ao a na kabanei maiuia n te rau ma te tabomoa.

Taian Areru 119:3

Akana aki karaoi m'akuri aika buakaka, ma a karaoa nanona.

Taian Areru 40:6

Ko aki tangiri karea ma angakarea; Ko aki tua maan aika ana kabuokaki ni kab'aninaki i aon te baonikarea ke karea i bukin kab'araan buure; Ma Ko anganai te kona n ongo am Taeka, ao n ongeaba nako iai,

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Te Otinako 15:26

Ao E taku, “Ngkana kam na ongotaeka i Rou ni karaoi b'aai ni kabane ake I taku b'a a raoiroi, ao ni kaawakin au babaire, ao N na bon aki katuaaingkami n taian aoraki ake I karokoi ngkoa i aoia kaain Aikubita. Bon te UEA Ngai ae I kamaiungkami.”

Te Otinako 16:32

Ao e taku Moote, “E a tia te UEA ni mwiokoira b'a ti na kaawakin tabeua te maana, i bukiia kanoara rimwi, b'a a aonga n noora te aekaki n am'arake are E anganiira te UEA n te rereua ngke E kaotinakoira mai Aikubita.”

Itaia 3:10

Tuangiia aomata aika a ongotaeka iroun te Atua ni kaangai, “Kam rangi n tekeraoi kam na anganaki kaniwangami i bukin te b'ai ae kam a tia ni karaoia.”

Ieremia 11:4

E tuai man bitaki au babaaire man te tai are I kaotinako ia iai ami bakatibu mai Aikubita, te botannaomata ae kaanga ai aron te ura ae korakora are e karanaki iai te biti. I tuangiia ami bakatibu b'a ngkana a ongotaeka nakon Au tua, ao N na riki b'a Atuaia, ao ngaiia a na riki b'a Au aomata.

Ieremia 11:7

I a kaman tuangiia ami aomata man te tai are I kaotinakoa ami bakatibu mai Aikubita, b'a a na ongotaeka i Rou. Ma kam a tia n taningabono

Ieremia 13:11

E rangi n nim ni matoa te kawaerake aei i aon koream, ao bon anne arou n taua taian abanuea aika Iteraera ma Iuta. I tangiria b'a a na riki b'a au aomata. I tangiria b'a a na riki b'a aomata aika a tanoata taekaia, n te aro b'a a aonga n neboai ma ni karineai botannaomata ake tabeua, ma a rawa n ongotaeka i Rou.

Ieremia 22:21

I kauringko, i nanon taai aika a raoiroi. Ma ko katinanikuai, n aron are ko a tia ni karaoia naba ngkoa ngke e uarereke Iteraera.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Ieremia 24:7

N na anganiia tangiran te kan ataai ao a na riki b'a Au aomata. Ane a na tangirai b'a N na riki b'a Atuaia, ao ane a na rairaki nako iu ma nanoia ni kabane.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Ieremia 32:23

Ma ngke e a reke irouia ara bakatibu te aba aei, ao a manga aki ongotaeka nakoim. Ao ngkai Ko a katuaaia Iteraera n te kabuanib'ai.

Ieremia 38:20

Ao I taku, “Ti ngkana ko ongotaeka i roun te UEA, ao ane a anga ngkoe kaain B'aburon nako ia taian Iutaia. Ane ko na kamaiuaki, ao a na nako raoi b'aai ni kabane nakoim.

Ieremia 42:6

e ngae ngkana te b'ai ae ti aki tangiria ni karaoia. Ti na ongotaeka i roun te UEA b'a a aonga n nakoraoi b'aai ni kabane nakoira.”

Teb'ania 3:2

E a tia n aki kan ongo iroun te UEA, ke n aki kan karin ana rerei. E a tia n aki onimakina te UEA, ma n rawa ni bubutiia buokana.

Tekaria 6:15

A ngke a roko aomata man aaba aika a kiraroa ni buoka karaoan ana Tembora te UEA ae Moan te M'aaka, ao ane kam na ataia iai b'a bon te UEA ae e kanakoai. Ao e na koro bukin te b'ai aei, ngkana kam bon ongotaeka raoi iroun te UEA ae Atuami.

Tekaria 7:7

Bon ti te bo naba au rongorongo n te bong aei ma are I tuangiia burabeti ake mai m'aaina b'a a na taetae nakon Ierutarem ma kaawana nako ngkana e maiu raoi, ao ngkana e bane Iuta, n reitaki ma te Rereua are i Maiaki ao te aba are e tabukibuki, n onrake irouia aomata.

I-Rom 16:26

ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

Te Tua-Kaua 11:27

I anganingkami ana Tua n te bong aei, ao ngkana kam ongotaeka nakoina, ao E na kakab'aiaingkami.

Te Tua-Kaua 13:4

Kam na riai n ongotaeka raoi nakon te UEA. Taromauria te UEA n ti Ngaia, ao karaoa aei ma te maaku ao te ruru,

Te Tua-Kaua 13:5

i bukina b'a E kamaiungkami ngkoa man te toronaki i Aikubita. Ngkana e tuangngkami te burabeti b'a kam na aki ongotaeka nakon te UEA ae Atuami ma ni katokaa taromauriana, ao kam na ataia b'a e buakaka te burabeti anne, ao e na riai n tiringaki.

Te Tua-Kaua 30:2

ao okirikaaki nakoina ma nanomi ao tamneimi ni kabane, ma ni manga ongotaeka nakon ana Tua aika I a tia n anganingkami n te bong aei.

Te Tua-Kaua 30:20

Kam na riai ni kabanei nanomi n onimakina te UEA ae Atuami, tangiria, ao karaoi b'aai ni kabane akana E tuangkami. Bon ti te UEA ae kona n anga te maiu, ao E na kaananaui maiumi n te aba are E berita iai nakoia aia bakatibu ake Aberaam, Itaaka, ao Iakob'a.

Te Tua-Kaua 30:8

Kam na manga ongotaeka riki nakon ana Tua ma ana Reirei te UEA,

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 4:40

I kab'arab'arai ana Tua ma ana Reirei. Ao ngkana kam ongotaeka nako iai, ao a na ab'ab'aki maiuia kanoami, ao a na teimatoa ni maekana te aba are anganingkami te UEA.

Te Tua-Kaua 5:16

Karineia tamami ma tinami, ao e na ananau ma n tetekeraoi maiumi n te aba are I anganingkami.

Te Tua-Kaua 5:29

Tera ngke a taromauriai n taai nako ma n ruru ni maakai, ma n ongotaeka nakon Au tua ni kabane. B'a ngkana a karaoa anne, ao a na tetekeraoi ma natiia ma ni kukurei.

Te Tua-Kaua 5:33

Irii nanoia, b'a a na kairingkami nakon te maiu ae ab'ab'aki ma n tetekeraoi n te aba are anganingkami te UEA.

Te Tua-Kaua 6:3

Kakauongo raoi, Iteraera. A taromauria te UEA ami bakatibu, ao E berita b'a E na anganiira te aba aei ae bati iai te miriki ma ana karewe te manibeeru. Ongotaeka raoi i rouna, ao kam na tetekeraoi ma n riki b'a te botannaomata ae korakora.

Ebera 5:9

ao ngke E a bobonga raoi arona, ao E riki iai b'a te tia karika te maiu are aki toki nakoia ni kabaneia aika ira nanona;

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.