Ieremia 7:20 - Te B'aib'ara

²⁰ Ao ngkai N nang kaiekaa Iuta Ngai ae te UEA ae Moan te M'aaka n uran uniu ni karokoa akea nikiran b'aai nako—ana akea aomata ke maan, ke taiani kainam'arake ke taian uita.

Ieremia 7:20 Iomraidhean Croise

2.Uea 22:17

A tia kaain Iuta ni katinanikuai. A tia n angakarea nakon antiia Ianena ao a tia naba n taromauriia oin aia bouananti. I a bon aki konaa n taotaona nanou mai iai. E a rangi ni maraki nanou.’ ”

Itaia 10:17

E na onikaki te Atua ae e tabu, are ootan Iteraera, ao ko na urarake n te bong teuana kaanga te buakonikai ae e kateketeke.

Itaia 42:25

E a rangi ni un irouia ao e katuuaia ana botannaomata n taiani buaka aika a kabuebue. Ma a bon aki tabe iai. A bon aki naba tabe ngkana a katobibiaki ma n rootaki ni kabuebuen te ai.

Itaia 66:24

A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Ieremia 11:16

N te tai teuana kam riki b'a te kai te kureebe ae e onrake n te uaa. Ma n te tai ae e aki maan ao N na kanako ia taani kakiriwe aika a kakarongoa b'a a na urui m'aangam ma ni kaurarakei n te ai.

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 14:16

Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 17:4

E na bua te aba are I anganingkami ao N na karikingkami b'a tooro i abaia ianena, i bukina ngkai kam a tia ni kakorakoraa uniu kaanga te ai ae e aki konaa n toki urana.

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 44:6

Ao n tokina, e a oro uniu kaanga te ieka ae e korakora, ao n te bong aei e a wene Ierutarem ao kaawan nako Iuta n akea kanoana ma n uruaki.

Ieremia 6:11

E ura unim n ekaanako Iuta i nanou ao I aki konaa n taotaonna. Ko na aki tautauai! Ti nang kamaunaia aomata ni kabane— ataei akana a tabe n takaakaro ao ikawai ni kabane, ti te bo ataei ma ikawai.

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Ieremia 8:13

N na kamaunaia, Bon taiani kureebe ngaia aika akea uaaia; taiani biiku aika akea uaaia ke baaia. Bon akea te b'ai teuana ae a tia ni karaoia ni b'aai ake I tuangiia! Bon aio au taeka Ngai ae te UEA.

B'aeb'aeti 4:11

E a bon koro unin te UEA; n te aro are E a bon kabueka Tion n akea nikirana.

Etekiera 22:22

kaanga te tirewa i nanon te ai ae e ura m'aaka. Ao i mwiina, a na ataia b'a bon te UEA Ngai ae I katuaaia n uniu.

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Etekiera 7:14

E a tia ni katangaki te bu are te kanikina, ao a tia ni katauraoaki taian b'ai ni buaka. Ma bon akea ae nakon te buaka, i bukina b'a N na oroia aomata ni kabane i aon Iteraera n uniu.

Taniera 9:11

A bane n urua am Tua Iteraera, ao a rawa n ongo nakon te b'ai are Ko taekinna. Ti bure nakoim, ma ngaia ae Ko karokoa taian maraia i aora ake a koreaki n ana tua Moote are am toro.

Nakoaia Ibonga 26:28

ao ikanne are I a boni karokoi naba ami bong i bukin ami bure.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Teb'ania 1:2

E taku te UEA, “N nang kamaunai b'aai ni kabane aika i aon te aba,

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”

Tekaria 7:12

Ma a tannako mani b'aai nako ao ni kamatoatoai nanoia kanga atiibu. MA a bon aki kan ongo ni baike ake a tuangaki irouia burabeti ake mai m'aaina b'a a na kab'arab'araa. Ma ngaia are, E a maraki nanou

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Te Kaotioti 14:10

ao e na moi n ana wain te Atua, are wainin unna, are E a tia ni kab'aroaki n aki renganaki nako nanoni m'angkon unna; ao e na b'ainikirinaki ni kamarakaki n te ai ma te burimton i mataia anera ake a raoiroi, ao i matan te Tiibuteteei.