Ieremia 7:19 - Te B'aib'ara

¹⁹ Ma a bon aki ti kamatauningaai, ma a bon kamatauningaia naba ni karaoi baika a na kamamaaeaki iai.

Ieremia 7:19 Iomraidhean Croise

Etira 9:7

Ti a bane n tia ni bure ni moa man aia tai ara bakatibu, ao ti bane n tia ni bure. Ao bon anne bukina ngkai ti aki toki ni kookonaaki ngaira, ara uea ao ara ibonga irouia uea ake tekorakina. A tia n tiringiia tabeman mai buakora ao a tia n toroniia tekorakina; a tia n anai ara b'ai ao ma ni kamamaaira, n ai aron ae e riki nakoira n te bong aei.

Iobi 35:6

Ngkana ko bure ao bon akea te b'ai ae rootaki iai te Atua, ao ngkana a m'aiti am tai ni karaoa te kaairua, tera ae na riingaki iai?

Itaia 1:20

Ma ngkana kam katei nako iu, ao kam na tiringaki irouia ami kairiribai. Bon aei au taeka Ngai ae te UEA.

Itaia 1:24

Bon te UEA Ngai ae Moan te M'aaka, ae te tia tautaekana Iteraera ae e korakora, ao I karaoa au berita nakoimi ae e kaangai: Bon au kairiribai ngkami ngkai, ao N na kaota uniu nakoimi ni kaoka kaiu iroumi.

Itaia 45:16

Aomata nako akana a karaoi taiani bouannanti a na bane ni kamangaongaoaki aia iango ao a na kamaamaaeaki.

Ieremia 15:9

E rawaawata nanon te tina ao e nikobuaka. A tia n onikaki ana bong aika a oota nakon te rootongitong i bukin mateia natina mm'aane aika a itiman. N na tiringiia ni kabane taian nikira ni maiu. Bon aei au taeka Ngai ae te UEA.

Ieremia 2:17

Bon am bure! Ko katoka iriiraku, Ngai ae te UEA ae te Atua,

Ieremia 2:19

Ane a na katuaeko am bure, b'a bon te bure ae moan te buakaka b'a kam kiitanai ao kam aki roko n te maaka te rekenikai. Bon aei Au taeka Ngai ae te UEA ae Moan te M'aaka.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Ieremia 22:22

Ngkai ko nang kab'ainrangaki i bukin am bure nako. A na kamaunaaki nako am taan kairiiri n te ang, ao botannaomata ake ko onimakiniia a nang kataenikaiaki ma ni katikitikaki nako abaia ianena.

Ieremia 25:7

Ma kam rawa n ongo irouia burabeti. Ma ngaia are Ngai ae te UEA ae I taekinna b'a kam a tia ni kamaraka nanou n taromauriia bouannanti, ao bon ngkami aika kam maraki n te b'ai are kam karaoia.

Ieremia 3:25

Ti a tia ni kakaaitarako kaanga aroia ara bakatibu, ao ti a mamaa n ara bure.”

Ieremia 44:3

i bukina ngke a kaunai kaain Iuta ngke a manga taromaurii anti aika a bon tuai man buokiia ma aia bakatibu.

Ieremia 8:19

A tang au aomata i abaia ianena. Kakauongo! Ane ko na ongo aia taeka ae e kaangai, “E a tia te UEA ni kiitana Tion? E a aki Uea iai?” Ao I ongo ana kaeka te UEA ae e kaangai, “E aera ngkai kam kaunai n taromauriia bouannanti aika akea manenaia?”

Ieremia 9:19

Ao ngkai ngaira aika ti tang i Tion, ‘Ti a urubekebeke! Ti aki konaa n taona mamaara. A a tia n uruaki ara auti, ao ti a riai ni kiitana abara.’

Etekiera 16:26

Ko kamaraka nanou n anga rab'atam nakoia kaain Aikubita, ike a bon kaman tia ni wenewene ma ngkoe.

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.