Ieremia 7:18 - Te B'aib'ara

¹⁸ A rikoi aia ataei, ao a kauraa te ai tamaia, ao tinaia a kabooboa te buraawa b'a a na kariki i bukin antiia te aine are a aranna b'a ueanainen Karawa. A bon anga naba te wain nako ia anti tabem'aang, b'a I aonga ni matauninga.

Ieremia 7:18 Iomraidhean Croise

1.Uea 14:9

Ko a tia n rangi ni kamaraka nanou, ngke ko kaaki taekau; ao ko karaoi bouananti man te koora. Ieroboam. Ko a tia ni karaoa te m'akuri ae moan te buakaka riki nakon are a tia ni karaoia uea ni kabane ake mai i m'aaim.

1.Uea 16:2

Bon akea ae e ataiko mangkoa ni karokoa ae I rineiko Ngai ae te UEA b'a ko na riki b'a te tia kairiiri irouia au Aomata ae Iteraera. Ao ngkai ko a manga boni katotonga naba Ieroboam ni manga karekeia naba Iteraera n te bure. Ko a tia n rangi kaunai n te b'ai ae ko a tia ni karaoia

Taian Areru 16:4

Ma uake a taromauriia riki anti tabeman ana bon kabatiaki rawawataia N na bon aki ira buakon aia angakarea; N na bon aki taromauriia atuaia.

Itaia 3:8

Ierutarem ma Iuta, kam kakaitaraa ami UEA ae e mimitong e boni kab'akai ngkami ami taeka ma ami m'akuri.

Itaia 57:6

Kam a tia ni baaireia b'a kam na taromauri taian bouannanti aika a karaoaki n taian atiibu; Kam a tia n anganiia taian angab'ai ake te wain ao te uita. N na kukurei n anne?

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 65:3

A kaunai n taai nako b'a a mata ni kakanikoai, ngkana a angakarea nakon aia bouannanti i nanon aia nne n aroka ao a kabuoki taiani kaboiarara nakoia i aon taiani buriki.

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 11:17

Bon te UEA Ngai ae Moan te M'aaka. Ngkami aika kaain Iuta bon te aroka ngkami ae I a tia n unikia, ma kam a tia ni kamaraka nanou ngke kam a manga anga karea nakon B'aara, n aron are a tia ni karaoia kaain te abanuea meaang. N na nang kouti ngkami mani waakami.

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Ieremia 19:13

ma ni kabuoka te b'ai ni kaboiarara nako ia taian itoi i karawa, b'a kaanga manga taian anti. Ao kam a tia n anga taiani karea aika te wain nako ia antiia ianena.

Ieremia 25:7

Ma kam rawa n ongo irouia burabeti. Ma ngaia are Ngai ae te UEA ae I taekinna b'a kam a tia ni kamaraka nanou n taromauriia bouannanti, ao bon ngkami aika kam maraki n te b'ai are kam karaoia.

Ieremia 32:29

A a kaman buakana te kaawa kaain B'aburon, ao ane a na taua ma ni kaurarakea. E a tia ni kaunai kaain Ierutarem ngke a aki toki n tatam'arake nako taubukin aia auti ma ni kabuoka te b'ai ni kaboiarara nakon B'aara ao a anga te wain nako ia anti ake tabem'aang. Ao ngkai a nang kabuokaki auti aikai ni kab'akaaki!

Ieremia 44:25

Kam bon teimatoa ni karaoa ami berita ikai i Aikubita are kabuokakin te b'ai ni kaboiarara ao te anga Karea te Wain nakon Ueanainen Karawa.

Ieremia 44:4

I aki toki ni kakanakoa Au burabeti ae Au tia m'akuri b'a e na taetae nako ia kaain Iuta ni kaota ribaakin aia bure aika a buakaka. A kauringaki irouia burabeti b'a a na katoka karaoan te bure,

Ieremia 7:17

Kam noora te b'ai ae a karaoia kaain Iuta i nanon aia kaawa ao i nanon kawain nako Ierutarem?

B'aeb'aeti 5:13

A kairoroaki ara rorobuaka n ataei b'a ana karabinoi atiibu n i uita n ai aroia tooro; a bebebebe rorobuaka n ataei i aan rawawatan uotaia.

Etekiera 16:26

Ko kamaraka nanou n anga rab'atam nakoia kaain Aikubita, ike a bon kaman tia ni wenewene ma ngkoe.

Etekiera 20:28

ngke a anga karea ni kaboiarara, ao te wain nakoia anti i aon te tabuki ao i aan aroka aika korakora. I bon rangi n un, i bukina b'a a karaoi b'aai aikai n te aba are I a tia n anganiia!

Etekiera 8:16

Ao I a manga kairaki nakon katawanangin te Tembora, ike a noori uangaun ma niiman aika a tei i rarikin te mataroa n rin, i marenan te b'aranta ao te baonikarea. A akuuna ana Tembora te UEA, ao a boobaraaki nakon otin taai.

Etekiera 8:17

E taku te Atua, Etekiera, e rangi ni buakaka ngkai a karaoi b'aai aika a rangi n ribaaki kaain Iuta. Ao a bon kabutanakoa naba te tiritiri ma te motibuaka i aon Iteraera ni kabane ao a rangi ni kaunai. A tia ni kamatauningaai ma ni kamamaaeai n aia m'akuri nako aika a rangi ni buakaka.

1.I-Korinto 10:22

Ke ti tangira ae E na un te UEA? Ti korakora riki nako Ina?

Te Tua-Kaua 32:16

Kam kamaraka nanon te UEA ao kam kaunna ngke kam taromauriia bouananti aika bati n ribaaki ao atuaia ianena.

Te Tua-Kaua 32:21

Kam taromauri bouananti aika akea bonganaia, kam kamaraka nanou ao kam kaunai. Ao ngkai N nang kanakoa nakoimi te botannaomata ae akea bonganaia ae akea manenaia b'a a na kamaraki nanomi, ma ni kauningkami.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.