Ieremia 6:24 - Te B'aib'ara

²⁴ Ao a taku aomata, “Ngkana ti ongo taekaia ao ti a ruru naba ni maaku, ao ti minomino ni maraki kaanga te aine ae e bungiia natina.”

Ieremia 6:24 Iomraidhean Croise

Taian Areru 48:6

A taonaki n te maaku ae korakora, kanga ai aroia aine aika nangi bung;

Itaia 21:3

E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 28:19

E na uotingkami nako te kaarangaina, te tawanou, ao te tairiki b'a te ieka ae e makuakua. E na anganingkami te reirei aei b'aai aika a riki aika a kakamaaku:

Ieremia 13:21

Kam onimakiniia ngkoa n te tai teuana b'a a na buokingkami ma ngkai N na karaoia b'a a na tautaekaningkami. Tera ami taeka i bukin anne? Kam na maraki kaanga te aine ae e ariri ni bung.

Ieremia 22:23

A na mangoo n tang ma te maraki kaanga te aine ae e bung akana a maeka n te bareti ae e rabunaki wintoona n te tiira.

Ieremia 30:6

E konaa ni bungia natina te mm'aane? Ao e aera ngkai I nooriia b'a a rangi ni mainarake ma n tautaua birotoia kaanga te aine ae e ariri b'a e nang bung?

Ieremia 4:31

I ongo te ngirangira ao te tang. Tera, te naweai ae e ariri ni bungia ana moan nati? Tiaki, bon Ierutarem. E rawea ikena ao e buubuti buokana. E taku, “I a mate! Ae a tiringai.”

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 49:24

Ngkami aika kaain Tamateko e a tia ni bua ninikoriami, ao kam na rairaki n iakaka ni biri nako, ma n tauaki n te maaku ao te maraki.

Ieremia 50:43

E a kaman tia n ongo ami uea taekan te taanga ni buaka aei, e a tia ni mamaara n te maaku; e minominotaki ma n rairaki ma te maraki kaanga te aine ae e bungia natina.

Etekiera 7:17

Ane a na ruru baimi, ao a na turatura waemi.

Taniera 5:9

Ao e rikirake te maaku ae e korakora iroun te uea are Beretiata n te aro are e a mainarake moana, ao a aikoa ataa te b'ai ae a na karaoia ana taani iango te uea.

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.