Ieremia 6:23 - Te B'aib'ara

²³ A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

Ieremia 6:23 Iomraidhean Croise

Itaia 10:32

A na kaemb'a n te bong aei kairiribai i Nobi ao a ioioi aia timoi n oro nakon te Maunga are Tion i nanon Ierutarem.

Itaia 13:18

A tiringiia rorobuaka n aia kanoanikatebe; e na bon akea te nanoanga ae e na nooraki nakoia ataei aika a uarereke ao naati.

Itaia 17:12

Bon naoni marawa aika a karongoaa taiani botannaomata.

Itaia 19:4

N na kaakiia kaain Aikubita i aani m'aakan te uea ae e iowawa ae akea ana Tangira. I a tia ni berita n aei Ngai ae te UEA ae Moan te M'aaka.”

Ieremia 25:32

E taku UEA ae Moan te M'aaka: Kam konaa noora te aoraki ngkana e butinako man taabo aika a raroa nako n te aonnaba, man te botannaomata teuana nakon teuana kaanga te angibuaka ae e kakamaaku.

Ieremia 25:9

ao ngkai N nang kanako ia botannaomata mai meang b'a a na buakaningkami, bon mai roun au toro are Nebukaneta mai B'aburon. Kam na uruanaki ngkami ma botannaomata akana i rarikimi nako ao kam na tiku n uruaki n aki toki. A na tiaoki aomata akana a noora aron uruakin ami kaawa, ma a na b'ainingarei ngkami.

Ieremia 30:14

A bane ni m'aninga taekami raraomi; a aki manga tabe ma ngkami. I a tia ni buakaningkami kaanga te kairiribai; ao e rangi ni kamaraki katuaaeami i bukina ngkai a m'aiti ami bure ao a rangi ni korakora buakakami.

Ieremia 4:13

Nooria! e kiba rikaaki kaanga te ikare ana taanga ni buaka te kairiribai; a rangi ni biri m'aaka riki aia taan toka i aoia aoti ao aia kaanibuaka nakon te nang ni buakan karawa ae e ukaki n te ang.” Ao ane ko na kaeka ni kaangai, “Ti a mate!”

Ieremia 4:16

E taku te UEA, “Tuangiia botannaomata b'a a tia au aomata ni kakaitaraai. Ngaia are e na roko te taanga ni buaka man te tabo ae e raroa n otab'aninia Ierutarem ao kaawan nako Iuta. Bon aio au taeka Ngai ae te UEA.

Ieremia 4:29

A takaaruaea aia keeke ni buaka aia taan toka i aoia aoti ao aia taani katebe kairiribai. A biri nako aomata n rawei maiuia ma ni kataia ni kakaea kamanoaia i buakon taian aroka ao taiani b'aa. Bon akea kaain kaawa ni kabane.

Ieremia 5:16

Bon taani buaka ngaiia ni kabane, ao a uota te mate aia kanoanikatebe.

Ieremia 50:41

N te tabo ae e raroa i meaang, e a tia ni kautaki iai te botannaomata teuana ma botannaomata ake a raonna. A m'aaka ao a tauraoi nakon te buaka.

Ieremia 50:42

A mena i nanoni baiia taiani kainikatebe ao kanoanikatebe ao taiani kabaang. A iowawa tautia ao akea aia nanoanga. A eeko rebwerebwen waeia aia aoti kaanga naoni marawa aika a rebwe i mataniwiin te bike. A tei n te rain ana taanga ni buaka n tataninga te buaka ao a roko b'a a na buakaningkami, kaain B'aburon!

Ieremia 6:4

A na tuangiia aia taanga ni buaka taiani uea ni kaangai, “Ngkana ti roko i Ierutarem n te moaningabong, ao ti na buaka n te tawanou. Ma ngkana ti iremwe n roko,

Ieremia 8:16

A a tia ni roko ara kairiribai ni kaawan Taan ake i meang, ao ti a maaku n tangitangin ikeiken aia aoti. A na kamaunaa Ierutarem ma ara botannaomata ni kabane ara kairiribai. Bon akea temanna ae e na reke maiuna.”

Etekiera 21:31

E na kab'atataingkami uniu n ai aron te ai, ao N na anga ngkami nakoia m'aane aika a iowawa aika a bane aroia n te tiritiri.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.